Accessibility links

دکتۆر جەعفەر عەلی: ململانێی سیاسی لە هەرێمی کوردستاندا گۆڕاوە بۆ ملشکاندنی یەکتری


دکتۆر جه‌عفه‌ر عه‌لی
دکتۆر جه‌عفه‌ر عه‌لی

لە کاتێکدا خەڵک داوای خۆیان هەیە لە هەرێمی کوردستانی عێراق خۆپیشاندانەکانی ناڕەزایی دەربڕین لە هەندێک بەشی ئەم هەرێمەدا کە گیرۆدەی قەیرانی سیاسی و دارایی هاتووە بەردەوامن.

هێشتا هیچ بە دەنگەوە هاتنێک بۆ ئەم داواکاریانە لە ئارادا نییە و وەک هەندێک لە چاودێر دەڵێن پێدەچێت هەوڵەکانی پێشوو کە بۆ چارەسەرکردن دەدران گەیشتبنە بنبەست.

دکتۆر جەعفەر عەلی، شیکەرەوەی سیاسی هاوڕایە و دەڵێت ئەوەی ئەمڕۆ لە مەیدانی هەرێمی کوردستاندا دەگوزەرێت بەدەرە لە ململانێیەکی سیاسیانەی دیموکراسیانە و دەشڵێت پاشخانی ئەم ڕەوشەش دەگەڕێتەوە بۆ سەروەختی یەکەم هەڵبژاردن لە ساڵی 1992 دا کە نەتوانرا ململانێیەکی دروستی سیاسیانە لە هەرێم بێتە ئاراوە بۆ پێشخستنی پرۆسەی دیموکراسی و دروستکردنی دامەزراوەی سیاسی لەسەر بنەمای پیشەیی وبنەمای پێکهێنانی چەمکی هاوڵاتیبوون.

دکتۆر جەعفەر دەڵێت بەردەوام بوونی دۆخی سیاسی ئێستای هەرێمی کوردستان بەم فۆرمەی هەیەتی ئەوا خۆپیشنادانەکان گەورەتر دەبن، ناڕەزاییەکان گەرمتر دەبنەوە و بە دووریش نازانرێت فۆرمی خۆپیشاندانەکانیش بگۆڕدرێن بۆ شێوەی تر.

لە میانەی وتوویژەکەیدا لەگەڵ بەڵێن ساڵح، دکتۆر جەعفەر عەلی ئاماژەش بەوە دەکات کە هەمیشە لەوبڕوایەدا بووە ئەگەر لە سنوری سلێمانی و گەرمیان و ڕاپەڕین و هەڵبجەدا بخوازیت خۆپیشاندان دژی پارتی دیموکراتی کوردستان بکەیت، یاخود ئاڕاستەی گوتارەکەت بە پلەی یەکەم بەرامبەر پارتی بێت ئەوا وەک دەڵێت دووچاری کورت بینی سیاسی دەبێت.

زانیاری زیاتر لە دەقی وتووێژەکەدایە:

please wait

No media source currently available

0:00 0:11:40 0:00

XS
SM
MD
LG