Accessibility links

که‌ماڵ که‌ریمی: کاک خالێد عه‌زیزی جه‌خت ده‌کاته سه‌ر پیویستی پێک هێنانی ئاڵ ‌و گۆڕی حێزبی و بڕیاری ده‌ست له کار کێشانه‌وه‌ی به‌ کۆمیته‌ی ناوه‌ندی ڕاگه‌یاندوه‌

  • شاهێد عەلەوی

که‌ماڵ که‌ریمی

که‌ماڵ که‌ریمی

وه‌ک له‌ هه‌واڵه‌کاندا هاتووه‌ خالید عه‌زیری، سکرتێری گشتی حێزبی دێمۆکڕاتی کوردستان داوای له‌ کۆمیته‌ی ناوه‌ندی ئه‌م حیزبه‌ کردووه‌ کۆبوونه‌وه‌یه‌کی تایبه‌ت بۆ هه‌ڵبژاردنی سکرتێری نوێی ئه‌و حیزبه‌ پێک بێنن چونکه‌ ئه‌و چی زیاتر ئاماده‌ نیه‌ ئه‌و به‌رپرسایه‌تییه‌ له‌ ئه‌ستۆ بگرێت.

خالید عه‌زیزی پێش ده‌ستپێکی کۆنگره‌ی 16ی ئه‌م حێزبه‌ که‌ ساڵی پار به‌ڕێوه‌چوو ڕایگه‌یاندبوو که‌ نایه‌وێت بۆ خولێکی تر ببێته‌ سکرتێری ئه‌و حێزبه‌، به‌ڵام له‌ کونگره‌ی 16دا په‌یره‌وی ناوخۆی حێزبی دێمۆکڕات گۆڕدرا و خالید عه‌زیزی بۆ جاری سێهه‌م وه‌ک سکرتێری حێزب هه‌ڵبژێردرا. ده‌گوترێت عه‌زیزی له‌ ئه‌و کاته‌دا ڕاێگه‌یاندوه‌ بۆ پێشگرتن له‌ شێوانی کۆنگره‌ ئه‌و به‌رپرسایه‌تییه‌ قه‌بووڵ ده‌کات.

ئێستاش ده‌گوترێت له‌ نامه‌یه‌کدا که‌ خالید عزیزی بۆ کۆمیته‌ی ناوه‌ندی حێزبه‌که‌ی نووسیوه‌تی ده‌ڵێت نایه‌وێت به‌ ده‌ست له‌ کارکێشانه‌وه‌ی حێزبی دێمۆکڕات تووشی کێشه‌ بێت و تا کاتێک کۆنگره‌ی تایبه‌تی بۆ ده‌ست نیشانکردنی سکرتێری تازه‌ ده‌به‌سترێت به‌رده‌وام ده‌بێت له‌ به‌رپرسایه‌تیه‌که‌ی.

وه‌ک ده‌گوترێت خالید عه‌زیزی له‌ ئه‌و نامه‌یه‌دا باسی هۆکاره‌کانی ده‌ست له‌ کارکێشانه‌وه‌ی ناکات به‌ڵام به‌ ئاشکرا ڕوونی کردۆته‌وه‌ که‌ له‌ بڕیاره‌که‌یدا جێدییه‌ و کۆمیته‌ی ناوه‌ندی حێزبی دێمۆکڕات هیچ ڕێگایه‌ک له‌ به‌رده‌میدا نامێنێته‌وه‌ جگه‌ له‌ دابینکردنی سکرتێرێکی نوێ بۆ ئه‌و حێزبه‌.

پرسیار ئه‌وه‌یه‌ که‌ جگه‌ له‌ ئه‌وه‌یکه‌ ده‌گوترێت ئایا پێداگرتنی خالید عه‌زیزی بۆ ده‌ست له‌ کارکێشانه‌وه‌ی که‌متر له‌ یه‌ک ساڵ دوای ده‌ستپێکی خولی سێهه‌می ڕێبه‌رایه‌تییه‌که‌ی ده‌رئه‌نجامی گرفتی سیاسی له‌ ئه‌و حیزبه‌دایه‌ یان ته‌نیا بڕیارێکی تاکه‌که‌سیه‌؟

کۆنگره‌ی تایبه‌تی حێزبی دێمۆکڕاتی کوردستان که‌ ده‌گوترێت که‌متر له‌ سێ مانگی تر ده‌به‌سترێت کێ وه‌ک سکرتێری نوێ هه‌ڵده‌بژێرێت؟ پێشتر له‌ کاتی تیرۆر و کوژرانی دوکتور قاسملو و دواتر دوکتور شه‌ره‌فکه‌ندی که‌ ڕێبه‌رایه‌تی حێزبی دێمۆکڕاتی کوردستانیان له‌ ئه‌ستۆ بوو کوبوونه‌وه‌ی تایبه‌تی کومیته‌ی ناوه‌ندی ئه‌و حێزبه‌ جێگره‌کانی سکرتێری گشتی ئه‌و کاته‌ی وه‌ک سکرتێری نوێ هه‌ڵبژارد.

ئایا حێزبی دێمۆکڕات ئێستاش وه‌ک ئه‌و سوننه‌ته‌ پێشووه‌ مسته‌فا مه‌ولوودی وه‌ک سکرتێری نوێ هه‌ڵده‌بژێرێت یان یه‌ک له‌ ئه‌ندامانی تری کۆمیته‌ی ناوه‌ندی وه‌ک ئاسۆ حه‌سه‌ن زاده‌ یان که‌سایه‌تییه‌کی وه‌ک مسته‌فا شه‌ڵماشی ئه‌ندامی ده‌فته‌ری سیاسی ئێستای ئه‌و حیزبه‌ ده‌بنه‌ سکرتێری نوێی ئه‌م حێزبه‌؟

چه‌ند ئه‌گه‌ری ئه‌وه هه‌یه کۆمیته‌ی ناوه‌ندی یه‌ک له ئه‌و ژنانه‌ی ئه‌ندامی ئه‌و کۆمیته‌ن، بۆ وێنه گوڵاله شه‌ره‌فکه‌ندی، وه‌ک سکرتێری داهاتووی حێزبی دێمۆکڕاتی کوردستان هه‌ڵبژێرن؟

ئه‌م پرسیارانه‌مان له‌ وتووێژ له‌ گه‌ڵ به‌ڕێز که‌ماڵ که‌ریمی، ئه‌ندامی ده‌فته‌ری سیاسی حێزبی دێمۆکڕاتی کوردستان تاوتۆ کردووه‌.

که‌ماڵ که‌ریمی: کاکه خالێد عه‌زیزی بۆ پێک هێنانی ئاڵ ‌و گۆڕ داوای ده‌ست له کار کێشانه‌وه‌ی کردوه وکۆمیته‌ی ناوه‌ندی تا که‌مترله سێ مانگی تر سکرتێری نوێی حدک هه‌ڵده‌بژێرێت.

XS
SM
MD
LG