Accessibility links

بەرێوەبەرى ئاسایشى كەركوكى پارتى زانیارى نوێ‌ ى لەبارەى چۆنیەتى دزەكردنى چەكدارەكانى داعش بۆ نێو شارى كەركوك ئاشكراكرد ، كە ئەو چەكدارانە تائێستا ژمارەیەكى زۆریان لێكوژراوە و ژمارەیەكیشیان لەنێو گەرِەكەكانى كەركوكدا خۆیان حەشارداوە.

لیوا هەڵۆ نەجات ، بەدەنگى ئەمەریكاى راگەیاند"چەكدارەكانى داعش لەحەویجەوە هاتبون و لەنێوان گوندى بەشیر و گوندى عوزەیریەوە دزەیانكردوەتە نێو شارى كەركوك ، كە نێوان ئەو دوو گوندە چوار كیلۆمەترە و هێزى تێدا نەبووە."

ئاژانسى پاراستن و زانیارى هەرێمى كوردستان لە راگەیەنراوێكدا ، ژمارەى ئەو چەكدارانەى داعشى بە 100 كەس ناوزەند كردووە كەدزەیانكردوەتە نێو كەركوك و ، لە راگەیەنراوەكەدا هاتووە"چەكدارەكانى داعش لەحەویجەوە نێردراون بۆ داقوق و لەوێشەوە بە حەوت پاسى نەفەرهەڵگرى بچوك لەكاتژمێرى 3 ى بەرەبەیان گەیەنراونەتە ناو كەركوك ، كەچەكدارەكان هەڵبژاردەیەك بوون لەخۆكوژەكانى داعش و لەلایەن (ئەبو ئەحمەدە)وە سەرپەرشتى كراون".

لەبەرانبەر لیوا هەڵۆ نەجات ئەو زانیاریانەى رەتكردەوە ، وتى"چەكدارەكانى داعش بە پیادە هاتون و شەوێك لەدەرەوەى كەركوك ماونەتەوە ، كەئەو شەوە لەناو كەركوكەوە خۆراك و پێداویستیان بۆ براوە و شەوى دواتر هاتونەتە ناو كەركوك."

دەربارەى ژمارەى كوژراوەكانى داعش ، بەرێوەبەرى ئاسایشى كەركوكى پارتى وتى"ئێستا تەرمى 63 چەكدارى داعش لەنەخۆشخانەى كەركوكەو گومان دەكرێت چەند چەكدارێكیشیان لەناو كەركوكدا مابن ، هەروەها 99 كەسیش لەپێشمەرگە و خۆبەخش و كارمەندانى دەزگا ئەمنیەكان شەهید بوون."

ئەمرۆ یەكشەمەش 6 چەكدارى ترى داعش لەو چەكدارانەى كە رۆژى هەینى دزەیانكردوەتە ناو كەركوك كوژراون و خۆیان تەقاندوەتەوە ، هەروەها چەند چەكدارێكى تریشیان لێ‌ دەستگیركراوە كە تێیدا بەرپرسیارێتى لەنێو رێكخراوەكەدا هەیە.

عەمید سمكۆ مەحمود وتەبێژى ئاسایشى كەركوكى یەكێتى، بەدەنگى ئەمەریكاى راگەیاند"ئەمرۆ لەگەرەكى دۆمیز دوو چەكدارى داعش كاتێك لەلایەن ئاسایشەوە گەمارۆ دراون خۆیان تەقاندوەتەوە."

هاوكات لەگەڵ ئاڵۆزیەكانى ناو شارى كەركوكدا ، ئەمرۆ یەكشەمە داعش لە باشورى كەركوكەوە پەلامارى سەنگەرەكانى پێشمەرگەى دا ، بەڵام پێشمەرگە هێرشەكانى ئەو رێكخراوەى تێكشكاند


.

XS
SM
MD
LG