بەپێی ڕای زۆرێک لە چاودێر وەک چۆن قەیرانی دارایی لە هەرێمی کوردستانی عێراقدا کاریگەری نەرێنی هەیە لەسەر بواری پەروەردە و خوێندن بە هەمان شێوە لەسەر گەنجانیش.
پشتیوان زاهیر، نوسەر و ڕۆژنامەوان هاوڕایە و دەڵێت بە دڵنیاییەوە ئەم قەیرانە هەموو لایەنەکانی ژیانی گرتۆتەوە و لەم ڕەوشەدا خوێندن و پەروەردە پشکی شێریان بەرکەوتووە وەک دەڵێت بەپێی ئەو ئامارانەی لەبەردەستیدان ژمارەیەکی بەرچاوی خوێندکاران دەستبەرداری خوێندن بوون و ڕوویان لە مەیدانەکانی کارکردن کردووە، ئەمە بێ لەوەی تەنانەت مامۆستایانی زانکۆ داوای مۆڵەتی بێ موچە دەکەن تا بچن لە زانکۆکانی ناوەڕاست و باشوری عێراقدا کار بکەن.
لە میانەی وتووێژەکەیدا لەگەڵ ڕەڤین دۆسکی، پشتیوان زاهیر باسیش لەوە دەکات ئەم قەیرانەی هەرێم سیاسیە و دروستکراوە و دەشڵێت هۆکارەکانی ئەم قەیرانە لەوانە پۆستی سەرۆکایەتی هەرێم و پەیوەندییەکانی نێوان هەولێر و بەغدا بوونەتە لەمپەرێکی گەورە لەبەردەم بەرەوپێشچوونی کۆمەڵێک پرۆسەی گرنگ لە هەرێمی کوردستاندا.
زانیاری زیاتر لە دەقی وتووێژەکەدایە:
