Accessibility links

وه‌زاره‌تى پێشمه‌رگه‌ و به‌رگرى عێراقى و هاوپه‌يمانان شانه‌يه‌كى ڕاگەیاندن پێکدەهێنن


به‌ مه‌به‌ستى مامه‌ڵه‌كردن له‌گه‌ڵ ڕاگه‌ياندن و ڕۆژنامه‌نووسان هه‌ر يه‌ك له‌ وه‌زاره‌تى پێشمه‌رگه‌ و به‌رگرى عێراقى و نوێنه‌رى هاوپه‌يمانان ، شانه‌يه‌كى هاوبه‌شى راگه‌ياندنى جه‌نگيان پێكهيناوه‌ كه‌ هه‌رسێ لايه‌نه‌كه‌ كۆده‌كاته‌وه‌ رێگرى له‌ لێدوان و زانيارى جۆراو جۆر ده‌گيرێت به‌ تايبه‌تى له‌ شه‌ڕى كونترۆڵكردنه‌وه‌ى موسڵدا ، له‌مباره‌يه‌وه‌ هه‌ڵگورد حيكمه‌ت به‌ڕێوه‌به‌رى راگه‌ياندن و رۆشنبيرى هۆشيارى نشتيمانى وه‌زاره‌تى پێشمه‌رگه‌ به‌ ده‌نگى ئه‌مه‌ريكاى رايگه‌ياند برياردرا پێكه‌وه‌ له‌گه‌ڵ به‌رگرى عێراقى و هاوپه‌يمانان بتوانين كۆنتڕۆڵى ئيعلامى حه‌ربى بكه‌ن هه‌م له‌ رووى ميدياييه‌وه‌ هه‌م له‌ رووى نه‌فسيه‌وه‌ و له‌ هه‌رێمى كوردستانيش به‌ ئاماده‌بوونى نوێنه‌رانى هێزه‌كانى هه‌فتا و هه‌شتا و نوێنه‌رى به‌رگرى و فرياكه‌وتن له‌گه‌ڵ زێره‌ڤانى و وه‌زاره‌تى ناوخۆ هه‌موويان به‌شداربن له‌ شانه‌كه‌ و ببێته‌ يه‌ك سه‌رچاوه‌ى ميديايه‌ له‌ هه‌رێمى كوردستان و به‌ تايبه‌تى له‌ رووى سه‌ربازييه‌وه‌ بتوانێ رۆماڵى رووداوه‌كان بكات و ببێته‌ سه‌رچاوه‌ بۆ راگه‌ياندنى هه‌موو جۆره‌ به‌ياننامه‌يه‌كى سه‌ربازى و هه‌موو جۆره‌ لێدوانێك .

سه‌باره‌ت به‌وه‌ى كه‌ ئه‌م جۆره‌ ليژنه‌ و شانانه‌ تا چه‌ند رێگرى له‌وه‌ ده‌كه‌ن كه‌ رۆژنامه‌نووسێك وه‌ك پێويست نه‌توانێت بگاته‌ زانيارى راست و درۆستى به‌ره‌كانى شه‌ڕ له‌ به‌ر بوونى ته‌نها هه‌واڵ و سه‌رچاوه‌يه‌ك به‌ڕێوه‌به‌رى راگه‌ياندنى وه‌زاره‌تى پێشمه‌رگه‌ هه‌روه‌ها له‌مباره‌يه‌وه‌ زياتر ده‌ڵێ ، ئێمه‌ مه‌به‌ستمان ئه‌وه‌ نيه‌ كه‌ كه‌س نه‌گا به‌ زانيارى راست ئێمه‌ ده‌مانه‌وێ ئه‌و پاشا گه‌ردانيه‌ى كه‌ دوو ساڵى رابردوو له‌ مه‌جالى ميديا هه‌بوو به‌شێوه‌يه‌كى ئسۆلى كارى له‌ سه‌ر بكريت و زانياريه‌كان به‌ شێوه‌يه‌كى فه‌رمى بگاته‌ خه‌ڵك نه‌ك هه‌ر رۆژنامه‌نووسێك به‌ كه‌يفى خوى بچێته‌ به‌ره‌يه‌ك لێدوان و فوتو و ڤيديۆ بگرێت و ته‌حليلات بكات ، ئێمه‌ ده‌مانه‌وێ يه‌ك سه‌رچاوه‌ هه‌بێت و هه‌مووشمان ته‌حه‌مولى مه‌سوليه‌ت بكه‌ين.

له‌ هێزه‌كانى پێشمه‌رگه‌ هه‌ڵگورد حيكمه‌ت به‌رپرسى شانه‌ى راگه‌ياندنه‌ و له‌ هێزه‌ عێراقيه‌كانيش سه‌عيد جه‌ياشى لێى به‌رپرسه‌ و بۆ شانه‌ى هاوپه‌يمانانيش ژه‌نيرال نۆبڵ به‌رپرسياره‌تى شانه‌كه‌ى له‌ ئه‌ستۆ گرتووه‌ ‌.

please wait

No media source currently available

0:00 0:02:38 0:00

XS
SM
MD
LG