Accessibility links

فەرماندەیەكى پێشمەرگە: دانیشتوانى حەویجە ئاگاداركراونەتەوە ناوچەكە جێبهێڵن


لەگەڵ نزیكبونەوەى وادەى هێرشكردنە سەر قەزاى حەویجەى رۆژئاواى كەركوك ، دانیشتوانى ئەو قەزایە و گوندەكانى دەوروبەرى بەلێشاو هەڵدێن و ژێر دەسەڵاتى داعش بەرەو سەنگەرەكانى پێشمەرگە جێدەهێڵن.


شوان حەمەغەریب فەرماندەى لیواى دووى هێزى پێشمەرگە، بەدەنگى ئەمەریكاى راگەیاند"فرۆكەكانى ئەمەریكا و فرۆكە عێراقیەكانیش دانیشتوانى حەویجەیان ئاگادار كردووەتەوە ناوچەكە جێبهێڵن ، چونكە هێرش بۆ سەر داعش دەست پێدەكات."
وتیشى"فرۆكەكانى هاوپەیمانان بەم نزیكانە بۆردومانى چرِى ناوچەكە دەست پێدەكەن بۆیە خەڵكەكەش بەرەو لاى پێشمەرگە هەڵدێن."
دانیشتوانى حەویجە جگە لەترسیان لە بۆردومانى فرۆكەكان ، هاوكات ترسیان لە هێزەكانى حەشدى شەعبیش هەیە بەوەى كوشت و برِیان بكات، بەتایبەت كە ئەو هێزە لەشەرى كۆنترۆڵكردنەوەى حەویجەدا بەشدار دەبێت.

ئاوارەکانی حەویجە
ئاوارەکانی حەویجە


بەڵام عەمید كاوە غەریب فەرماندەى پۆلیسى داقوق لەباشورى كەركوك، پێیوایە زۆربەى ئەو خەڵكانەى لەئێستادا حەویجە جێدەهێڵن كەس و كارى داعشە شەرِ كەرەكانن، بۆیە داعش رێگەى هەڵاتنیان پێدەدات.
قەزاى حەویجەى رۆژئاواى كەركوك كە بریارە بەم نزیكانە هێزەكانى پێشمەرگە و هێزە عێراقیەكان هەوڵى كۆنترۆڵكردنەوەى بدەن ، یەكێك لەو ناوچانەى كە لەدواى روخانى بەعسەوە جێ‌ پێگەى گروپە چەكدارەكان بووە.

please wait

No media source currently available

0:00 0:01:54 0:00

XS
SM
MD
LG