Accessibility links

ئاژانسی دەنگوباسی ڕۆیتەرز ڕادەگەیەنێت ڕێکخراوەی توندڕەوەی دەڵەتی ئیسلامی دەڵێت پلانی هەیە تۆڵەتی ئەو موسوڵمانانە بکاتەوە کە لە ئاژاوەکانی ولایەتی گوجراتی شوێنی لە دایک بوون سەرۆک وەزیری هندستان نارێندرا مودی و شوێنەکانی تر کوژراون.

هندستان کە وڵاتێکی زۆرینە هندۆسە بەڵام زیاتر لە 160 ملیۆن موسوڵمانیشی تێدیە بەڵام تەنها ژمارەیەکی زۆر کەمیان بە شداریان لەو گروپەی ڕۆژهەڵاتی ناوەڕاست کردووە. ڕێبەرانی هندستان و ئەندامانی کۆمەڵگاکان دەڵێن ئەمەش مانایی دیموکراسی بەهێز و دەوڵەتی سیکیولاری وڵاتەکەیە.

لە گرتەیەکی ڤیدیۆییدا کە لەلایەن موخابەراتی ئەمەریکاوە چاودێری کراوە، داعش داواکارییەکی دەگمەن لە موسوڵمانەکانی هەندستان دەکات و گاڵەتە بەو موسوڵمانانە دەکات کە بە ئاشتی لەگەڵ هندۆزەکان دەژین وەک دەڵێت کە گا، درەخت و خۆر دەپەرستن و داوایان لێ دەکات کۆچ بکەن بۆ ئەو ناوچانەی لە ژێر دەسەڵاتی خەلافەتەکەیانە.

لە گرتە ڤیدیۆییەکەدا ئەو چەکدارە هندستانییەی ک خۆی بە ئەبو سەلمان ئەلهندی دەناسێنیت و لە حومسی سوریا شەڕ دەکات دەڵێت " لەم خاکەدا ئاینەکەتان پارێزراوە و یاساکانی خوا لە هەموشتێک بەرزترە". و پاشان توندڕەوێکی تر دەڵێت دەوڵەتی ئیسلامی دەگاتە هندستانیش بۆ ئازاد کردنی موسوڵمانەکان و تۆڵە سەندنەوەی ئەو توندوتیژییانەی کە لە ساڵی 2002 لە گوجرات دژ بە ئیسلام کرا و هەروەها توندوتیژییەکانی کشمیر و تێکدانی مزگەوتێک لە ساڵێ 1992 لەلایەن هندۆسە توندڕەوەکانەوە.

XS
SM
MD
LG