هێزەکانی عێراقی گازی فرمێسک ڕژێنیان دژ بە خۆپیشاندەران بەکار هێنا لە یەکێک لە دەروازەکانی چوونە ژوورەوەی ناوچەی سەوزی بەغدا لە کاتێکدا سەدان لە خۆپیشاندەرانی سەر بە موقتەدا ئەلسەدر بەردەوامن لە چوونە نێو باڵەخانەکانی حکومەتەوە.
ئاژانسی دەنگوباسی ئەسۆشیەیتد لە شوێنی ڕووداوەکەوە ڕادەگەیەنێت هەزاران لە خۆپیشاندەران چوونەتە ناوچەی سەوزەوەو و بەربەستەکانیان شکاندووەو چونەتە نێو پەرلەمانەوە.
ئەرکی نەتەوە یەکگرتووەکان لە عێراق کە بنکەی لە ناوچەی سەوزە پاش ڕووداوەکەی ڕۆژی شەممە بەیاننامەیەکی بڵاو کردەوەو و توندوتیژی دژ بە کاربەدەستانی هەڵبژێردراو مەحکوم دەکات و داوای هێورکردنەوەی ڕەوشەکەو ڕێزگرتن لە دەستوری عێراق دەکات. هاوکات دەشڵێت ئۆفیسەکەیان بەردەوام دەبێت لە کارەکانی لە بنەکەکەیان لە بەغداوە و لەگەڵ لایەنەکاندا کار دەکات بۆ چارەسەرکردنی ڕەوشەکەو جێبەجێکردنی داواکاری خەڵکی بۆ چاکسازی.