Accessibility links

بەرەبەیانى ڕۆژی شەممە ژمارەیەک چەكدارى خۆكوژى داعش هێرشیانكردە سەر سەنگەرەكانى پێشمەرگە لە ڕۆژئاواى كەركوک ، بەڵام لەلایەن پێشمەرگەوە تێكشكێنران.

كەمال كەركوكى فەرماندەى میحوەرى رۆژئاواى كەركوک، بەدەنگى ئەمەریكاى ڕاگەیاند"چەكدارە خۆكوژەكانى داعش ژمارەیان 6 كەس بوو ، بەڵام پێش ئەوەى بگەنە سەنگەرەكانى پێشمەرگە تەقەیان لێكراوە و 5 یان تەقێنراونەتەوە و ئەویتریشیان خۆى تەقاندەوە."

بەپێى وتەى بەرپرسانى پێشمەرگە ، هێرشەكەى بەرەبەیانى ئەمڕۆى داعش هیچ زیانێكى گیانى بە پێشمەرگە نەگەیاندووە، بەڵام وەكو كەمال كەركوكى دەڵێت"پێشمەرگە لەتەواوى كەركوک خراوەتە حاڵەتى ئامادەباشیەوە ، چونكە داعش نیازى هێرشى ترى هەیە."

فەرماندەى میحوەرى رۆژئاواى كەركوكى پێشمەرگە، ئاماژەبەوەدەكات گوندنیشینە عەرەبەكانى سنورى كەركوك هاوكارى چەكدارە خۆكوژەكانى داعشیان كردووە بۆ گەیشتن بەسەنگەرەكانى پێشمەرگە.

كەمال كەركوكى وتى"هەندێك چەكدارى ترى داعش خۆكوژ نەبوون بەبریندارى گەراونەتەوە و ، بەهۆى كەوتنى خوێنەوە دەزانین رۆیشتوونەتە چى گوندێكەوە."

XS
SM
MD
LG