Accessibility links

پەرلەمانتارێكى عێراق: پێشمەرگە بەرنامەى پێشڕەویكردنى نیـیە ئەگینا دەتوانێت حەویجە كۆنترۆڵ بكات


بەرپرسانى هێزى پێشمەرگە، دەڵێن داعش لە سنورى قەزاى حەویجە بە تەواوەتى لاواز بووە و توشى شپرزەیى بووە، بەشێوەیەك كە سەركردە بیانیەكانییشیان ناوچەكەیان جێهێشتووە و رۆیشتوون.

لیوا محەمەد قادر فەرماندەى باڵاى هێزى پێشمەرگە لەباشورى كەركوك، بەدەنگى ئەمەریكاى راگەیاند"داعش لەحەویجە توشى شپرزەیى و بێ‌ سەروبەرى بووە و لە ڕووى مادى و سەربازیشەوە تەواو لاواز بوون ، بەشێوەیەك لەهەر ناوچەیەكیش جموجۆڵیان هەبێت فرۆكەكانى هاوپەیمانان لێیان دەدات."

هاوكات نازم كەهیە سەرۆكى پارتى دیموكراتى توركمانى سەربەخۆ، بە دەنگى ئەمەریكاى راگەیاند"داعشە بیانیەكان هەموویان حەویجەیان جێهێشتووە و بەرەو توركیا ڕۆیشتوون، ئەوانەى لەناوچەكەدا ماونەتەوە ئەو عەرەبە سونانەن كە چوونەتە پاڵ داعش."

لاى خۆشیەوە محەمەد دوو شیوانى ئەندامى پەرلەمانى عێراق بە دەنگى ئەمەریكاى راگەیاند"داعش زۆر لاواز بووە و پێشمەرگە بەرنامەى پێشرەوى كردنى نیە ، ئەگینا بەهاوكارى فرۆكەكانى هاوپەیمانان دەتوانێت حەویجە كۆنترۆڵ بكات."

قەزاى حەویجە كە تەواوى دانیشتوانەكەى عەرەبى سونەن، لە دواى رووخانى رژێمى بەعسەوە بووەتە پێگەى بەهێزى گروپە چەكدارە سونەكان و لەساڵى ڕابردووشەوە لەلایەن داعشەوە كۆنترۆڵكراوە.

XS
SM
MD
LG