Accessibility links

عەلی حەمە ساڵح: ئایا هەڵوێستی ئەو چوار لایەنەی تر چییە کە 15 وەزیریان لە حکومەتی هەرێمدا هەیە

  • Balen Salih

عه‌لی حه‌مه‌ ساڵح

ژمارەیەک پەرلەمانتار لە پەرلەمانی هەرێمی کوردستانی عێراق لە ڕاگەیاندنێکدا داوای مانگرتن دەکەن لە یەکێک لە هۆڵەکانی پەرلەماندا وەک ناڕەزایی دەربڕین بەرامبەر ڕەوشی سیاسی و ئابوری هەرێمی کوردستان.

لەو ڕاگەیاندنەدا هاتووە " لە چوارچیوەی هەستکردنمان بە بەرپرسیارییەتی لە، سێ خاڵەدا داواکانمان کە داواکار و پێداویستی گشتی و خەڵکی ناڕازی کوردستانن دەخەیەنە بەردەستتان لە پێناو بەشداریکردنێکی دیکەی مەدەنی لە پاراستنی شکۆی پەرلەمان و سەروەری یاسا و دابینکردنی پێویستییەکانی خەڵکی کوردستان."

عەلی حەمە ساڵح، ئەندامی پەرلەمانی هەرێمی کوردستان لە فراکسیۆنی بزوتنەوەی گۆڕان دەڵێت ئەم دەستپێسخەرییەی کراوە بۆ هەموو پەرلەمانتارانە و بەشداربوونیان یان نەبوونیان لەم مانگرتنەدا پەیوەندی بە خۆیانەوە هەیە و دەشڵیت گرتنە بەری ئەم هەنگاوە لە بێدەسەڵاتیەوە سەرچاوەی نەگرتووە بەڵکو بۆ ڕەتکردنەوەی ئەو هەوڵانەیە کە بۆ ئیفلیج کردنی پەرلەمان دەدرێن لە پێناو وەرگرتنەوەی هەر سێ ڕۆڵەکەی پەرلەمان (پەسەند کردنی بودجە و چاودێریکردنی حکومەت و یاسا دانان).

بەڕێز حەمە ساڵح دەڵێت هەرێمی کوردستان لە قەیرانێکی ئێجگار قوڵی ئابوریدایە و ڕۆژانە خەڵکی کوردستان کێشەیان هەیە و دێنە سەر شەقامەکان و قەبارەی گەندەڵی گەیشتۆتە ئاستێکی مەترسیدار و هیچ هەنگاوێکی ڕژد نییە بۆ چارەسەری ئەم ڕەوشە.

لە میانەی وتووێژەکەیدا لەگەڵ بەڵێن ساڵح، عەلی حەمە ساڵح ئاماژەش بەوە دەکات لەم قۆناغەدا کە مامۆستایان هاتوونەتە سەر شەقامەکان و دەروازەکانی قوتابخانەکان داخراون هۆکارەکەی وەک دەڵێت دەگەڕێتەوە بۆ ئەو گەندەڵییە زۆر و زەوەندەی لە هەرێمدا هەیە و دەشڵیت ئەمە ناچێتە ئەقڵی هیچ کەسێکەوە لەم هەرێمەدا کە ژمارەی دانیشتوانەکەی نزیکەی 5 ملیۆن کەسە و ڕۆژانە نۆسەد هەزار بەرمیل نەوت بەرهەم بهێنرێت لەگەڵ داهاتە جۆراوجۆرەکانی تریشی بەڵام حکومەتەکەی نەتوانێت موچەی فەرمانبەرانی دابین بکات.

زانیاری زیاتر لە دەقی وتووێژەکەدایە:

XS
SM
MD
LG