Accessibility links

توندڕه‌وه‌کانی ئێران داوای ڕه‌تکردنه‌وی ڕێککه‌وتنی ناوکی ده‌که‌ن


ئاژانسی ده‌نگوباسی فه‌رمی ئێران ناسراو به‌ ئرنا ده‌ڵێت نزیکه‌ی 50 خوێندکاری توندڕه‌و و چالاکوان ڕێپێوانێکیان ئه‌نجامدا که‌ داوا له‌ په‌رله‌مان ده‌که‌ن ڕێککه‌وتنی ناوکی له‌گه‌ڵ زلهێزانی جیهان ڕه‌ت بکه‌نه‌وه‌.

له‌م ڕاپۆرته‌ی ڕۆژی یه‌کشه‌ممه‌دا ڕاگه‌یه‌ندراوه‌ خۆپیشانده‌ران دروشمه‌ نوسراوه‌کانیان له‌ ده‌ره‌وه‌ی باڵه‌خانه‌ی په‌رله‌مان به‌رزکردبووه‌وه‌ که‌ تیایدا ڕێککه‌وتنه‌نه‌که‌ به‌ ڕێککه‌وتنێکی ناڕه‌وا بۆ وڵاته‌که‌یان وه‌سف کرابوو.

ئه‌ندامی په‌رله‌مان زوهه‌رێ ته‌یبزاده‌ بۆ خۆپێشانده‌ران قسه‌ی کرد و ڕێککه‌وتنه‌که‌ی به‌زاندنی هێڵی سور ناودێر کرد، که‌ ڕێگا ده‌دات به‌ وڵاته‌ یه‌کگرتووه‌کانی ئه‌مه‌ریکا چاودێری پیتاندنی یۆرانیۆمی ئێران بکات.

په‌رله‌مان و ئه‌نجومه‌نی باڵای ئاسایشی نیشتیامنی ئێران له‌ چه‌ند ڕۆژی داهاتوودا تاووتوێی ڕێککه‌وتنه‌ ناوکییه‌که‌ له‌گه‌ڵ وڵاتانی زلهێزی جیهاندا ده‌که‌ن.

XS
SM
MD
LG