Accessibility links

توپبارانی ناوچه‌کان له سوریا ده‌ستپێده‌کاته‌وه‌ له‌ کاتێکدا وتووێژه‌کان هه‌ره‌س دێنن


گروپێکی سه‌رهه‌ڵداوی سوریا ڕۆژی شه‌ممه‌ ڕایگه‌یاند وتووێژ بۆ ئاگربه‌ست له‌گه‌ڵ له‌شکری سوریا و حزبوڵڵای هاوپه‌یمانیان هه‌ره‌سی هێنا و شه‌ڕ له‌ شارۆچکه‌ی زه‌به‌دانی باکوری وڵات و دوو گوندی نزیکی ده‌ستیپێکرده‌وه‌.

ئاگربه‌ستێکی 72 کاتژمێری له‌ زه‌به‌دانی نزیک سنوری لوبنان و دوو گوندی نزیکی فوئا و کفرایا له‌ پارێزگای ئیدلیب له‌ سه‌ره‌تای ئه‌م هه‌فته‌یه‌ ئه‌نجام درا و هه‌تا ڕۆژی شه‌ممه‌ به‌رده‌وام بوو.

به‌ڵام گروپی ئه‌حرار ئه‌لشام، که‌ گروپی سه‌ره‌کی بوو له‌ وتووێژه‌کاندا، ڕایگه‌یاند ده‌ستیان کردووه‌ته‌وه‌ به‌ ئۆپه‌راسیۆنه‌ له‌شکرییه‌کان پاش ئه‌وه‌ی نه‌گه‌یشتن به‌ ڕێککه‌وتن له‌و وتووێژانه‌ی به‌ نێوبژیوانی ئێران و تورکیا ده‌کران.

ڕامی عه‌بدوڵڕه‌حمان به‌ڕێوه‌به‌ری ڕێکخراوی چاودێرمی مافه‌کانی مرۆڤی سوریا بنکه‌ له‌ له‌نده‌ن ده‌ڵێت له‌ به‌ره‌به‌یانی ئه‌مڕۆوه‌ به‌لایه‌نی که‌م 200 موشه‌ک هاوێژراوه‌ بۆ فوئا و کفرایا.

هێزه‌کانی حکومه‌ت و هاوپه‌یمانانیان بنکه‌کانی سه‌رهه‌ڵداوانیان له‌ زه‌به‌دانی بۆردومان کرد.

XS
SM
MD
LG