Accessibility links

سه‌رۆکی خاچی سوور سه‌ردانی یه‌مه‌ن ده‌کات


سه‌رۆکی کۆمه‌ڵگای نێونه‌توه‌یی خاچی سوور گه‌یشته‌ سه‌نعای پایته‌ختی یه‌مه‌ن که‌ له‌ ژێر کۆنتڕۆڵی سه‌رهه‌ڵداواندایه‌.

سه‌ردانه‌که‌ی پیته‌ر ماوره‌ر، که‌ له‌ ڕۆژی شه‌ممه‌وه‌ ده‌ستیپێکرد، بڕیاره‌ هه‌تا ڕۆژی دووشه‌ممه‌ به‌رده‌وام بێت. خاچی سوور له‌ به‌یاننامه‌یه‌کدا ڕاده‌گه‌یه‌نێت مه‌به‌ست له‌ سه‌ردانه‌که‌ تیشک خستنه‌سه‌ر باری خراپی مرۆییه‌ له‌ وڵاته‌که‌.

هه‌ر له‌و به‌یاننامه‌یه‌دا هاتووه‌، نیگه‌رانی له‌مه‌ڕ هێرش کردنه‌ سه‌ر بنکه‌کانی ته‌ندروستی و کارمه‌ندانی ته‌ندروستی. ده‌شڵێت چوار خۆبه‌خشی خاچی سوور کوژراون له‌وکاته‌وه‌ که‌ ناکۆکییه‌که‌ ده‌ستیپێکردووه‌.

یه‌مه‌نییه‌کان دووچاری که‌می خۆراک، ئاوی خواردنه‌وه‌و ده‌رمان بوونه‌ته‌وه‌ له‌ هه‌ژارترین وڵاتانی جیهانی عه‌ره‌ب. نه‌ته‌وه‌ یه‌کگرتووه‌کان خراپترین ئاستی قه‌یرانی مرۆیی له‌و وڵاته‌ له‌ 1 ی مانگی 7 ڕاگه‌یاند.

XS
SM
MD
LG