Accessibility links

هێرشه‌کانی تورکیا بۆ سه‌ر داعش و په‌که‌که‌


به‌هۆی ته‌قینه‌وه‌ی ئۆتۆمبێلێک له شه‌وی شه‌ممه‌‌ تورکیا دوو سه‌رباز کوژراون و چواری تریشی بریندار بوون.

پێشتریش فڕۆکه‌ جه‌نگییه‌کانی تورکیا بنکه‌ی داعشی له‌ ناو سوریا کرده‌ ئامانج و هێرشی تریش کرایه‌ سه‌ر پارتی کرێکارانی کوردستان له‌ قه‌ندیل. پۆلیس له‌ سه‌رانسه‌ری تورکیا سه‌دان گومانباری سه‌ر به‌ په‌که‌که‌ و توندڕه‌وانی ئیسلامی ده‌ستگیر کردووه‌.

کاربه‌ده‌ستانی تورکیا ده‌ڵێن هه‌ڵمه‌ته‌کان له‌ سوریا به‌ مه‌به‌ستی پێکهێنانی هه‌رێمێکی پارێزراو له‌ سه‌رانسه‌ری باکوری وڵاته‌که‌ ئه‌نجام ده‌درێت.

سه‌رچاوه‌کانی سه‌ربه‌ په‌که‌که‌ ڕۆژی شه‌ممه‌ ڕایانگه‌یاند ئاگربه‌ستی 2013 پێده‌چێت کۆتایی پێهاتبێت پاش ئه‌وه‌ی فڕۆکه‌کانی تورکیا هێرشیان کرده‌ سه‌ر بنکه‌کانیان له‌ باکوری عێراق. تورکیاش ده‌ڵێت ئه‌مه‌ وه‌ڵامێکه‌ بۆ په‌که‌که‌ به‌هۆی کوشتنی دوو پۆلیسی تورک له‌م هه‌فته‌یه‌.

دیپلۆماتێکی باڵای ئه‌مه‌ریکا ڕۆژی یه‌کشه‌ممه‌ له‌سه‌ر تۆڕی کۆمه‌ڵایه‌تی تویته‌ر ڕایگه‌یاند هێرشی تورکیا دژ به‌ په‌که‌که‌ کار ناکاته‌ سه‌ر هه‌ڵمه‌ته‌ هاوبه‌شه‌کانی ئه‌مه‌ریکا و تورکیا دژ به‌ ده‌وڵه‌تی ئیسلامی.

XS
SM
MD
LG