Accessibility links

کۆمەڵەی سوریا بۆ مافەکانی مرۆڤ: داعش لەسەر خواردن لە مانگی ڕەمەزاندا 94 کەسی ئەشکەنجە داوە

  • VOA News

کۆمەڵەی سوریا بۆ چاودێری مافەکانی مرۆڤ دەڵێت توانیویەتی 94 حاڵەتی لە خاچدان و دەسـتگیرکردن لە نێو قەفەسی ئاسن و جەڵدکردن تۆماربکات کە داعش لە بەرامبەر خەڵکی ئەنجامیداون لە میانەی مانگی ڕەمەزاندا لەو ناوچانەی داگیریکردوون. دەشڵێت 5 لەو قوربانیـیانە منداڵبوون و دووانیان پـیاوی بە تەمەن بوون. گوناهەکەشیان خواردن بووە لە ڕەمەزاندا.

پاشان ئاماژە بۆ ئەوە دەکات داعش ئەم تاوانانەی لە نێوان 5 ی مانگی ڕەمەزان کە ڕێکەوتی 22 ی مانگی شەش دەکات هەتا 29 ی مانگی ڕەمەزان کە ڕێکەوتی 16 ی مانگی حەوتە. تاوانەکانیشی لە جادە و گۆڕەپانە گشـتیـیەکاندا ئەنجامداوە لە پارێزگاکانی حەلەب و ڕەققە و دێرئەزور.

هەروەها دەڵێت یەکەم لە خاچدانی بە دوو منداڵ دەسـتیپـێـکردووە. هەروەها 20 کەسیش خراونەتە ناو قەفەسی ئاسنەوە کە یەکێـکیان منداڵبووە. زۆرێـک لە قەفسەکانی لە شوێنە گشـتیـیەکاندا دایانناون و ڕێگەیان داوە خەڵکی سووکایەتی بەو کەسانە بکەن. هەروەها حاڵەتیش هەبووە بۆ سووکایەتیپـێکردن کەسەکەیان لە ناو قەفەسدا بە جادەکاندا گێڕاوە، وەکو ئەوانەی لە شارۆچکەی دێر حافری ڕۆژهەڵاتی حەلەب ئەنجامیاندابوون.

XS
SM
MD
LG