Accessibility links

سەرکردەیەکی بیانی داعش لە سوریا دەکوژرێت

  • VOA News

کۆمەڵەی سوریا بۆ چاودێری مافەکانی مرۆڤ دەڵێت سەرکردەیەکی بیانی داعش لە شاری ڕەققەی سوریا بە هێرشێـکی ئاسمانی کوژراوە.

ڕامی عەبدولڕەحمان بەڕێوەبەری کۆمەڵەکە ڕۆژی چوارشەممە ئەمەی ڕاگەیاند و گوتی ئەبو عەبدوڵڵا ئەلئۆزبەکی سەرکردە لە داعش، بە موشەکی فڕۆکەیەکی بێ فڕۆکەوانی وڵاتانی هاوپەیمانان کراوەتە ئامانج و کوژراوە.

گوتیشی ناوبراو لە نێو ئۆتۆمبیلەکەیدا بووە لە بەردەم هوتێلێـکدا لە شاری ڕەققە کە خێزانی چەکدارە بیانیـیەکانی داعشی لێـیە، ئەوانەی خەڵکی چیچان و وڵاتانی ئاسیای ناوەڕاستن. باسی لەوەش کرد 2 کەسی سێڤیلیش بەرکەوتوون و گیانیان لەدەسـتداوە.

جێی ئاماژەیە ئاشتون کارتەر وەزیری بەرگری ئەمەریکا ڕۆژی سێشەممە بە سیناتۆرانی وڵاتەکەی گوت کەی بۆیان بکرێت سەرکردەکانی داعش دەکەنە ئامانج.

XS
SM
MD
LG