Accessibility links

له‌ده‌می وتووێژی ناوکی وه‌زیری ده‌ره‌وه‌ی ئێران ده‌گه‌ڕێته‌وه‌ بۆ وڵات


له‌ کاتێکدا که‌ کاتی دیاری کراو بۆ ڕێککه‌وتنی کۆتایی له‌سه‌ر به‌رنامه‌ی ناوکی ئێران که‌متر له‌ دوو ڕۆژی ماوه، وه‌زیری ده‌ره‌وه‌ی ئێران ئه‌مڕۆ یه‌کشه‌ممه‌ ده‌گه‌ڕێته‌وه‌ بۆ وڵاته‌که‌ی بۆ تاوتوێ کردنی مه‌سه‌‌له‌که‌.

میدیای ئێران ڕایگه‌یاند گه‌شته‌که‌ی محه‌مه‌د جه‌واز زه‌ریف پێشتر پلانی بۆ دانراوه‌. به‌ڵام ئه‌و ڕاستییه‌ی که‌ له‌ کاتێکدا دوامه‌وڵه‌ت زۆر نزیکه‌ کۆبونه‌وه‌که‌ جێده‌هێڵێت کاردانه‌وه‌ی ده‌بێت به‌سه‌ر چۆنیه‌تی دانوستاندنه‌کاندا که‌ هێشتا لایه‌نه‌کان ڕێکنه‌که‌وتوون له‌سه‌ر ئه‌وه‌ی چۆن تاران ڕێگای پشکێنه‌ران بدات چاودێری وڵاته‌که‌ بکه‌ن.

وڵاته‌ یه‌کگرتووه‌کانی ئه‌مه‌ریکا سوره‌ له‌سه‌ر ئه‌وه‌ی چاودێریه‌که‌ له‌وه‌ زیاتر بێت که‌ ئێران ئێستا کۆکه‌ له‌سه‌ری. له‌گه‌ڵ ئه‌مه‌شدا کۆمه‌ڵێک مه‌سه‌ی تر هه‌یه‌ ‌هێشتا چاره‌سه‌ر نه‌کراون. سیاسه‌تمه‌دارانی باڵای ئه‌وروپا دانیان به‌وه‌دا ناوه‌ که‌ ڕه‌نگه‌ دوامه‌وله‌تی دوابخرێت و وتووێژه‌کان هه‌تا سه‌ره‌تایی مانگی 7 یش به‌رده‌وام بێت.

XS
SM
MD
LG