Accessibility links

باری ئاسایشی له‌ ئه‌ستانبوڵ توند ده‌گیرێت


دیمه‌نێکی خۆپیشاندانه‌که‌ی ساڵی 2013 (ئه‌رشیف)

دیمه‌نێکی خۆپیشاندانه‌که‌ی ساڵی 2013 (ئه‌رشیف)

ده‌سه‌ڵاتدارانی تورکیا هه‌زاران پۆلیسیان بڵاوکردبووه‌وه‌ بۆ ڕێگه‌ گرتن له‌ چوونه‌ ناو مه‌یدانی گه‌زی و سه‌دان خۆپیشانده‌ر ڕێیان نه‌بووه‌ بچنه‌ مه‌یدانه‌که‌وه‌ له‌ دووه‌م ساڵیادی ده‌ستپێکردنی خۆپیشاندانه‌کانی له‌ سه‌رانسه‌ری وڵاته‌که‌دا ده‌کران دژی حکومه‌تی تورکیا.

خۆپیشانده‌ران گوڵه‌ مێخه‌کیان به‌ ده‌سته‌وه‌ گرتبوو و دروشمیان ده‌گوته‌وه‌ هاوکاتی ڕێکردنیان به‌ره‌و مه‌یدانه‌ سه‌ره‌کیه‌که‌ی ئه‌ستانبوڵ به‌ڵام پۆلیس ڕێی لێ ده‌گرتن.

پاش ئه‌وه‌ی نوێنه‌رانی خۆپیشانده‌ران وتاره‌کانی خۆیان خوێنده‌وه‌ بڵاوه‌یان کردوو و گوڵه‌ مێخه‌که‌کانیان به‌ درێژایی ئه‌و ڕێیه‌ داده‌نا که‌ ده‌چووه‌ سه‌ر مه‌یدانه‌که‌.

له‌ دره‌نگانێکی مانگی 5 و سه‌ره‌تای مانگی 6 ی ساڵی 2013 دا سه‌دان هه‌زار له‌ وڵاتیانی تورکیا ڕژابوونه‌ سه‌ر شه‌قامه‌کان و ناڕه‌زاییان ده‌رده‌بڕی له‌ دژی هه‌رواده‌هات و زۆرتربوونی ڕێبه‌رایه‌تی تاکڕه‌ویی حکومه‌تی تورکیا.

خۆپیشاندانه‌کان له‌ دژی پلانه‌کانی حکومه‌تی تورکیا ده‌ستیپێکرد بۆ هه‌ڵکێشانی دره‌خته‌کانی ناو مه‌یدانی گیزه‌ و له‌ بری ئه‌وه‌ بازاڕێک دروست بکرێت.

له‌ خۆپیشاندانه‌کانی ئه‌و ساڵه‌دا هه‌زاران که‌س بریندار بوون و به‌لانی که‌م 12 که‌سیش کوژران.

XS
SM
MD
LG