Accessibility links

سه‌رۆکی پێشوی گورجستان وه‌ک پارێزگاری ئۆدیسه‌ ده‌ستنیشان کرا


سه‌رۆکی پێشوی گورجستان میکایل ساکاشڤیلی له‌ ڕۆژی شه‌ممه‌ ده‌ستنیشان کرا بۆ پارێزگاری هه‌رێمی ئۆدیسه‌ی کێشه‌له‌سه‌ری ئۆکرانیا.

سه‌رۆکی ئۆکرانیا پترۆ پرۆشینکۆ ئه‌و ده‌ستنیشان کردنه‌ی ڕۆژی شه‌ممه‌ له‌سه‌ر ماڵپه‌ڕه‌که‌ی ڕاگه‌یاند و ساکاشڤیلی پێشکه‌ش به‌ کاربه‌ده‌ستانی شاری ئۆدیسه‌ی پایته‌ختی هه‌رێمه‌که‌ کرد.

ئۆدیسه‌ گه‌وره‌ترین به‌نده‌ری ئۆکرانیایه‌ و گرنگیه‌کی ستراتیژیشی تریشی هه‌یه‌، شارێکی سه‌ره‌کیه‌ له‌ نێوان نیمچه‌ دورگه‌ی کرێم که‌ ڕوسیا خستێوه‌ سه‌ر خۆی و ناوچه‌ی ترانسنه‌ستریای جوداخوازه‌ مۆلدیڤیه‌کان، که‌ له‌لایه‌ن هێزه‌کانی ڕوسیاوه‌ پشتیوانی ده‌کرێن.

هه‌رچه‌نده‌ ئه‌م شاره‌ به‌هۆی شه‌ڕه‌کانی نێوان هێزه‌کانی حکومه‌ت و جوداخوازان زیانی پێ نه‌گه‌یشت، به‌ڵام ناکۆکی نێون نه‌ته‌وه‌ په‌رسته‌کان و ئه‌وانه‌ی سه‌ر به‌ ڕوسیان زۆره‌.

له‌ مانگی 5 ی ساڵی ڕابوردوودا 48 که‌س به‌هۆی توندوتیژی نێوان پشتیوانانی هه‌ردوو لا کوژران که‌ زۆربه‌یان سه‌ر به‌ ڕوسیایه‌کان بوون.

ده‌ستنیشان کردنی ساکاشڤیلی ڕه‌نگه په‌یوه‌ندیه‌کان ئاڵۆزتر بکات له‌گه‌ڵ ڕویسا که‌ له‌ پێشتره‌وه‌ به‌هۆی لکاندنه‌که‌ی کرێم خراپ بووه‌.

XS
SM
MD
LG