Accessibility links

خۆپێشاندانی کورده‌کان له‌ ده‌ڤه‌ری واشنتۆن


کورده‌کانی ده‌ڤه‌ری واشتنۆن له‌به‌رده‌م کۆشکی سپیدا کۆده‌بنه‌وه وه‌ک ناڕه‌زایی ده‌ربڕین به‌رامبه‌ر به‌ سه‌رکوتکردنی خۆپیشانده‌رانی شاری مه‌هاباد هه‌روه‌هاش بۆ پشتیوانی له‌ داواکانی خۆپیشانده‌ران.

پاش خۆکوشتنی فه‌ریناز خوسره‌وانی کچه‌ کورد له‌ هۆتێل تارا‌ی شاری مه‌هاباد له‌ سه‌ره‌تای ئه‌م مانگه‌ خۆپیشاندانی ناڕه‌زایی له‌ شاری مه‌هاباد و چه‌ند شارێکی تری کوردستانی ئێران ده‌ستی پێکرد به‌ڵام هێزه‌ ئه‌منیه‌کان زۆر به‌ توندی خۆپیشانده‌رانیان سه‌رکوت کرد.

له‌ واشنتۆنیش وه‌ک زۆرێک له‌ پایته‌خته‌کانی وڵاتانی جیهان کورده‌کان خۆپیشاندانیان ئه‌نجامدا.

خۆپیشاندانه‌که‌ له‌لایه‌ن کۆمیته‌کانی حیزبی دیموکراتی کوردستانی ئێران له‌ ئه‌مه‌ریکا و کۆمه‌ڵه‌ی شۆڕشگێری زه‌حمه‌تکێشانی کوردستانی ئێران ئه‌نجام دراوه‌.

ڕێکخه‌رانی خۆپیشاندانه‌که‌ دڵگران بوون به‌‌وه‌ی به‌شداری کورده‌کان زۆر که‌م بوو له‌ کاتێکدا هه‌زاران کورد له‌ ده‌ڤه‌ری واشتنۆن ده‌ژین.

ئارش ساڵح نوێنه‌ری حزبی دیموکراتی ئێران له‌ ئه‌مه‌ریکا نکۆڵی له‌وه‌ نه‌کات به‌شدار نه‌بوونی خه‌ڵکی زۆر ڕه‌نگه‌ که‌مته‌رخه‌می ڕیکخه‌ره‌کانیش بێت نه‌یان توانیوه‌ به‌ باشی هه‌مو خه‌ڵک ئاگادار بکه‌نه‌وه‌ به‌ڵام ده‌شڵێت ئه‌مڕۆ یه‌کشه‌مه‌یه‌‌ ڕه‌نگه‌ کوردیش هه‌بن چوونه‌ ده‌ره‌وه‌یان و سه‌یران کردنیان به‌ گرنگتر دانابێت.

XS
SM
MD
LG