Accessibility links

وه‌زیری به‌رگری تورکیا: هه‌لیکۆپته‌رێکی سوریایی له‌ تورکیا خراوه‌ته‌ خوارێ


وه‌زیری به‌رگری تورکیا ده‌ڵێت هێزه‌کانی تورکیا هه‌لیکۆپته‌رێکی سوریاییان خستۆته‌ خوارێ پاش ئه‌وه‌ی سنوری ئاسمانی تورکیای به‌زاندبوو. ته‌له‌فیزیۆنی ده‌وڵه‌تی سوریا نکوڵی له‌و ڕاپۆرته‌ ده‌کات و ده‌ڵێت فرۆکه‌یه‌کی بێفڕۆکه‌وانی بچووک خراوه‌ته‌ خوارێ.

وه‌زیری به‌رگری تورکیا ئیسمه‌ت ئیلماز به‌ ئاژانسی ده‌وڵه‌تی ئه‌نادۆڵۆی ڕاگه‌یاند که‌ هه‌لیکۆپته‌ره‌که‌ ڕۆژی شه‌ممه‌ خراوته‌ خوارێ پاش ئه‌وه‌ی سنوری له‌ جیلوه‌گۆزوو‌ باشوری تورکیا به‌زاندبوو. هه‌لیکۆپته‌ره‌که‌ بۆ پێنج خوله‌ک له‌ ئاسمانی تورکیادا بووه‌ و پاش تێپه‌ڕبوونی 7 میل له‌ سنوری تورکیا خرایه‌ خوارێ.

هه‌ر وه‌ها گوتیشی پیرۆزبایی له‌ هێزه چه‌کداره‌کانمان ده‌که‌م که‌ به‌ باشی ئه‌رکی خۆیان به‌جێ هێناوه‌ و کاردانه‌وه‌ی پێویستیان نیشانی هێزه‌کانی سوریا دا.

XS
SM
MD
LG