Accessibility links

سه‌رۆکی یونیسکۆ نیگه‌رانی خۆی ده‌رده‌بڕێت له‌ باره‌ی نزیکبوونه‌وه‌ی شه‌ڕ له‌ ئاسه‌وارێـکی مێژوویی له‌ سوریا


سه‌رۆکی ڕێـکخراوی یونیسکۆی سه‌ر به‌ نه‌ته‌وه‌ یه‌کگرتووه‌کان ده‌ڵێت نیگه‌رانه‌ له‌ باره‌ی پـێشهاته‌کانی ناو سوریا که‌ له‌ ئێسـتادا داعش له‌ ئاسه‌واری شاری دێرینی ته‌دمور نزیک‌ده‌بێته‌وه‌ که‌ ناسراوترین شوێنی مێژوویی ئه‌و وڵاته‌ له‌ جیهاندا.

خانم ئیرینا بۆکۆڤا ڕۆژی هه‌ینی پاش کۆبوونه‌وه‌ی له‌گه‌ڵ ته‌مام سه‌لام سه‌رۆک وه‌زیری لوبنان به‌ په‌یامنێرانی گوت ته‌دمور که‌ ده‌که‌وێته‌ ناوچه‌ گوندنشینه‌کانی پارێزگای حومس و ئاسه‌واری 2 هه‌زار سـاڵ پـێش ئێسـتای لێـیه‌، پـێویسته‌ نه‌بێته‌ گۆڕه‌پانی شه‌ڕ.

به‌پـێی کۆمه‌ڵه‌ی سوریا بۆ چاودێریکردنی مافه‌کانی مرۆڤ و هه‌روه‌ها کۆمیته‌کانی هه‌ماهه‌نگی خۆجێی که‌ په‌یوه‌ندیـیان به‌ تۆڕێـکی گه‌وره‌ی چالاکوانان له‌ سوریا هه‌یه‌، ده‌ڵێن له‌ ئێسـتادا فڕۆکه‌ جه‌نگیـیه‌کانی حکومه‌تی سوریا شوێنه‌کانی داعش له‌ نزیک به‌شی ڕۆژهه‌ڵاتی ته‌دمور بۆردومان ده‌که‌ن. ده‌شڵێن شه‌ڕیش له‌و ناوچه‌یه‌ هه‌ڵگیرساوه‌.

دیمه‌شق لای خۆیه‌وه‌ داوای له‌ کۆمه‌ڵی نێوده‌وڵه‌تی کردووه‌ ته‌دمور له‌ داعش بپارێزن که‌ پـێشـتر چه‌ند ئاسه‌وارێـکی مێژوویی له‌ عێراقدا وێرانکردبوو.

XS
SM
MD
LG