Accessibility links

له‌شکری سوریا هێرشده‌کاته‌ سه‌ر توندڕه‌وانی ئیسلامی


میدیای سه‌ر به‌ ده‌وڵه‌تی سوریا ده‌ڵێت هێزه‌ سه‌ربازیه‌کانی حکومه‌تی سوریا هێرشیان کردۆته‌ سه‌ر توندڕه‌وانی ئیسلامی له‌ شارۆچکه‌ی جسر الشغور له‌ باکوری ڕۆژئاوای وڵاته‌که‌.

ته‌له‌فزیۆنی سوریا ده‌ڵێت له‌شکری سوریا هه‌موو ڕێگه‌کانی ده‌چنه‌وه‌ سه‌ر ئه‌م شارۆچکه‌یه‌ گرتوونی که‌ دره‌نگانێکی مانگی ڕابردوو توندڕه‌وانی ئیسلامی ده‌ستیان به‌سه‌ردا گرتبوو.

ڕێکخراوی سوریایی بۆ چاودێری مافه‌کانی مرۆڤ ده‌ڵێت هێزی ئاسمانی سوریا ته‌نها له‌ ڕۆژی یه‌کشه‌ممه‌دا22 هێرشی ئاسمانییان کردۆته‌ سه‌ر ناوچه‌که‌ و زۆربه‌شیان کراونه‌ته‌ سه‌ر ناوچه‌یه‌کی نزیک نه‌خۆشخانه‌ی نیشتیمانی که‌ ده‌که‌وێته‌ باشوری شارۆچکه‌که‌وه‌ واته‌ ئه‌و شوێنه‌ی هێزه‌ سه‌ربازیه‌کانی حکومه‌ت سه‌نگه‌ریان گرتووه‌ و هه‌روه‌هاش ئه‌و هێزانه‌ی که‌ گه‌مارۆ دراون.

پێشتر به‌شار ئه‌لئه‌سه‌د سه‌رۆکی سوریا په‌یمانی دابوو به‌م زووانه‌ له‌شکری وڵاته‌که‌ی ده‌گاته‌ لای وه‌ک ده‌ڵێت ئه‌و قاره‌مانانه‌ی لای نه‌خۆشخانه‌که‌ی شارۆچکه‌ی ئه‌لشغوره‌وه‌ گه‌مارۆ دراون.

XS
SM
MD
LG