Accessibility links

عه‌بدوڵای موهته‌دی: ئه‌گه‌ر ئه‌م خۆپیشاندانانه‌ گه‌وره‌ ببنه‌وه‌ ئه‌وا لایه‌نه‌کانی ڕۆژهه‌ڵات لێک نزیک ده‌کاته‌وه‌

  • Balen Salih

عه‌بدوڵای موهته‌دی

عه‌بدوڵای موهته‌دی

خۆپیشاندانه‌کانی شاری مه‌هاباد به‌رده‌وامن و به‌پێی سه‌رچاوه‌کانی هه‌واڵیش شه‌پۆلی ناڕه‌زایی ژماره‌یه‌ک شار و شارۆچکه‌ی تریشی گرتۆته‌وه‌ له‌ ڕۆژهه‌ڵات.

سکرتێری گشتی کۆمه‌ڵه‌ی زه‌حمه‌تکێشانی کوردستانی ئێران ده‌ڵێت ئه‌وه‌ی تا ئێستا ڕوویداوه‌ ناڕه‌زایی خه‌ڵکی مه‌هاباد و به‌ تایبه‌تیش لاوانی شاره‌که‌یه‌ دژی ئه‌و هه‌وڵه‌ نامرۆڤانه‌یه‌ی درا بۆ ده‌ستدرێژیکردنه‌ سه‌ر کیژۆڵه‌یه‌کی بێ تاوان و ده‌شڵێت ڕه‌وشی ئه‌مڕۆی شاری مه‌هاباد ناجێگیر بووه‌ و هێزی سه‌ربازی کۆماری ئیسلامی ئێران و سوپای پاسداران شه‌قامه‌کانی شاره‌که‌یان گرتووه‌ و ته‌نانه‌ت گردبوونه‌وه‌ی دوو یان سێ که‌سیشیان قه‌ده‌غه‌ کردووه‌.

عه‌بدوڵای موهته‌دی ده‌ڵێت ئه‌م خۆپیشاندانانه‌ی مه‌هاباد له‌ هه‌لومه‌رجێکدایه‌ که‌ ناڕه‌زایی زۆرتره‌، هه‌ژاری زۆرتره و ستمکاری زۆرتره‌ و له‌ ئێستاشدا ڕژێمی ئێرانی له‌ ده‌یان ساڵی ڕابردوودا له‌ هه‌موو کاتێک لاوازتر و بێ بنه‌ما تره.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، به‌ڕێز موهته‌دی ده‌شڵێت ئه‌گه‌ر خه‌ڵکی کوردستان بتوانێت پشتیوانیه‌کانی خۆی به‌ کرده‌وه‌ نیشان بدات بۆ ناڕه‌زاییه‌کانی مه‌هاباد و ئه‌وا ده‌توانرێت وه‌رچه‌رخانێکی زۆر باش له‌ ڕۆژهه‌ڵات بێنێته‌ ئاراوه‌.

زانیاری زیاتر له‌ ده‌قی وتووێژه‌که‌دایه‌:

‌‌

XS
SM
MD
LG