Accessibility links

شای عه‌ره‌بسـتانی سعودیـیه‌ کاربه‌ده‌سـتێـک ده‌رده‌کات که‌ له‌ ڕۆژنامه‌وانێـکی دابوو


سه‌لمان بن عه‌بدولعه‌زیز شای عه‌ره‌بسـتانی سعودیـیه‌ سه‌رۆکی دیوانی پاشایه‌تی وڵاته‌که‌ی له‌ پـۆسته‌که‌ی ده‌رکرد پاش ئه‌وه‌ی چه‌پـۆکێـکی به‌ ڕۆژنامه‌وانێـکی کامێرامان کێشابوو.

ڕۆژی یه‌کشه‌ممه‌ی ڕابردوو، له‌و کاته‌ی شا سه‌لمان له‌ فڕۆکه‌خانه‌ی ڕیازی پایته‌خت پێشـوازی له‌ شا محه‌مه‌دی شه‌شه‌می شای مه‌غریب ده‌کرد، کامێرامانێـک لێـیان نزیک ده‌بێته‌وه‌ بۆ ئه‌وه‌ی له‌ نزیکه‌وه‌ ڤیدیۆیه‌کیان بگرێت، به‌ڵام محه‌مه‌د ئه‌لتبێشی سه‌رۆکی دیوانی پاشایه‌تی ڕوو ده‌کاته‌ کامێرامانه‌که‌ و چه‌پـۆکێـکی پـیاداده‌کێشێت.

ئاژانسی ده‌نگ‌وباسی سعودیـیه‌ هه‌واڵه‌که‌ی ڕاگه‌یاند و گوتی شا سه‌لمان فه‌رمانی کردووه‌ محه‌مه‌د ئه‌لتبێشی له‌ پـۆسته‌که‌ی لاببرێت و خالید بن سـاڵح له‌ شوێنه‌که‌ی دابنرێت.

ئه‌م بڕیاره‌ی شا سعودیـیه‌ بووه‌ جێی خۆشـحاڵی زۆرێـک له‌ سعودیـیه‌کان، هیوادارن شای نوێی وڵاته‌که‌یان چاوپـۆشی له‌ پـێشـێلکاری هیچ به‌رپـرسێـک نه‌کات ئه‌گه‌ربێت و مافی هاوڵاتیان پـێشـێل بکات.

پـێشـتریش وه‌زیری ته‌ندروسـتی له‌ پـۆسته‌که‌ی لادا کاتێـک داوایه‌کی هاوڵاتیـیه‌کی‌ ڕه‌تکرده‌وه‌.

ڤیدیۆی ڕووداوه‌که‌

XS
SM
MD
LG