Accessibility links

یاوه‌ر: ئه‌گه‌ر جارێـکی تریش پـێوست بکات پـێشـمه‌رگه‌ بۆ کۆبانی و ناوچه‌کانی دیکه‌ی ڕۆژئاوای کوردسـتان ده‌گه‌ڕێنه‌وه‌

  • Haider Kareem

پاش حه‌وت مانگ له‌ پاڵپشـتی هێزه‌کانی پـێشمه‌رگه‌ بۆ یه‌کینه‌کانی پاراستنی گه‌ڵ له‌ کۆبانی، ئه‌مڕۆ چوارشه‌ممه‌ دوا کاروانی ئه‌و هێزانه‌ گه‌ڕانه‌وه‌ بۆ هه‌رێمی کوردسـتانی عێراق، ئه‌مه‌ش دوای ئه‌وه‌ی داعش له‌ شاری کۆبانی و ناوچه‌کانی ده‌وروبه‌ری دورخرانه‌وه‌ و مه‌ترسی ئه‌و گروپه‌ تێرۆرستیـیه‌ بۆ سه‌ر ئه‌و شاره‌ ستراتیژیـیه‌ی کورد نه‌ماوه‌.

جه‌بار یاوه‌ر ئەمینداری‌ گشتی‌ وەزارەتی‌ پێشمەرگە له‌ وتووێژێـکی تایبه‌تدا له‌گه‌ڵ حه‌یده‌ر که‌ریم له‌ به‌شی کوردی ده‌نگی ئه‌مه‌ریکا، گوتی پـێشمه‌رگه‌ ئه‌رکه‌که‌ی خۆی به‌جێهێنا و ئێسـتا هه‌تا دوری زیاتر له‌ 70 کیلۆمه‌تر داعش له‌ شاری کۆبانی دورخراوه‌ته‌وه‌. جه‌ختی له‌وه‌ کرد کشانه‌وه‌ی هێزی پـێشمه‌رگه‌ له‌ کۆبانی به‌ هیچ شێوه‌یه‌ک له‌ ژێر فشاری هیچ وڵات و لایه‌نێـکدا نه‌بووه‌.

پاشان گوتی هه‌ر کاتێـک ڕۆژئاوای کوردسـتان و له‌ هه‌ر ناوچه‌یه‌کی پـێویستی به‌ هێزی پـێشـمه‌رگه‌ی کوردسـتان بێت و په‌رله‌مانی کوردسـتان بڕیاری ڕه‌وانه‌کردنی هێزی پـێشـمه‌رگه‌ په‌سه‌ند بکاته‌وه‌ و فه‌رمانده‌ی هێزه‌کانی پـێشـمه‌رگه‌ی کوردسـتان که‌ سه‌رۆکی هه‌رێمه‌ فه‌رمان بدات، ئه‌وا جارێـکی تریش هێزه‌کان ده‌ڕۆن بۆ هاوکریکردنی شه‌ڕڤانان له‌ ڕۆژئاوای کوردسـتان.

XS
SM
MD
LG