پاپا فرانسیس له سهدهیهمین ساڵیادی کۆمهڵکوژی ئهرمینیهکاندا وشهی ژێنۆساید بهکاردههێنێت له میانهی مهڕاسیمێکی تایبهتدا.
بهکارهێنانی ئهم وشهی ژێنۆسایده پێدهچێت ببێته مایهی ئاڵۆزیهکی زۆر له پهیوهندیهکاندا لهگهڵ تورکیادا.
پاپا فرانسیس ئهمڕۆ یهکشهممه له دهمی گردبوونهوهیهکدا له سانت پیتهرس باسیلیکا باسی لهوه کردووه کوژرانی نزیکهی یهک ملیۆن و پێنجسهد ههزار کهسی ئهرمینی به دهستی تورکه عوسمانلیهکان له سهروختی یهکهم شهڕی جیهانیدا "یهکهم ژینۆسایدی سهدهی بیستهم بووه."
لهو گردبوونهوهیهدا پاپا فرانسیس گوتوویهتی "شاردنهوه یان نکوڵیکردن له بهدکار وهک ئهوه وایه ڕێ به خوێن لهبهر ڕۆیشتنی برینێک بکهیت بهبێ ئهوهی تیماری بکهیت."
تورکیا به توڕهییهکی زۆرهوه نکوڵی لهوه دهکات ئهو کۆمهڵکوژیهی ئهرمینیهکان بچێته خانهی ژینۆسایدهوه و ئانکهره دهڵێت ژمارهکه زۆر گهوره کراوه و ئهوانهش که کوژراون قوربانیانی شهڕی ناوخۆ و ئاژاوهکانی ئهو سهروهخته بوون.
پێشتریش پاپا ژان پۆڵی دووهم و پاتریارکی ئهرمینیهکانیش له ساڵی 2000 دا ڕاگهیاندنێکی هاوبهشیان بڵاوکردهوه و ئهو کۆمهڵکوژیهی ئهرمینیهکانیان به ژینۆساید ناودێرکرد، بهڵام له وتارهکهی ئهمڕۆ یهکشهممهی پاپا فرانسیس بۆ یهکهم جاره له گردبوونهوهیهکی سانت پیتهرس باسیلیکا وشهی ژینۆساید بۆ کۆمهڵکوژی ئهرمینیهکان بهکاربهێنرێت.
وهزارهتی دهرهوهی تورکیا دهڵێت داوای گهڕاندنهوهی نێردراوی وڵاتهکهی له ڤاتیکان کردووه.
تورکیا دهڵێت باڵیۆزی خۆی بانگکردۆتهوه بۆ ئانکهره تا ناڕهزایی خۆی دهرببڕێت بهرامبهر بهو ڕاگهیاندنهی پاپا.