له‌هه‌رێمی کوردستان مشتومڕیێکی زۆر له‌سه‌ر پرسی هه‌موارکردنه‌وه‌ی ده‌ستووری هه‌رێم هه‌یه، ڕوانگه‌ی جیاوازیش له‌سه‌ر په‌یره‌وکردنی سیسته‌می هه‌رێم هه‌یه، هه‌ندێک سیسته‌می سه‌رۆکایه‌تی پێباشه‌و و هه‌ندێکیش سیسته‌می په‌رله‌مانی.
له‌گفتووگۆیه‌کدا بۆ به‌شی کوردی پارێزه‌رو چاودێری سیاسی بژار ته‌ها خه‌لیل ده‌ڵێت: پرسی ده‌ستوورو گه‌ڕانه‌وه‌ی بۆ په‌رله‌مان یه‌که‌م بڕیار ده‌بێت میلله‌تی کورد به‌ڕژدی دابێتی. ده‌شڵێت ده‌ستوه‌ر ئه‌وبناغه‌یه‌یه ئێمه بنیاتی که‌ی له‌سه‌ر ئه‌که‌ین، بنیاتی ده‌وڵه‌ت ، دامه‌زراوه و هه‌موو په‌یوه‌ندیه‌کانی دانیشتوانی کوردستان.
هه‌روه‌ها ده‌ڵێت من پێم باشه ده‌ستوور بۆ کوردستان په‌رله‌مانی بێت یاساش ئه‌مه ئه‌ڵێت، به‌هۆی ئه‌وه‌ی هێشتا کوردستان به‌شێکه له‌عێراق، ده‌ستوری عێراقیش ده‌ستوری په‌رله‌مانیی په‌سه‌ندکردوه ناکرێت له‌به‌شێکی ئه‌م عێراقه خۆت جیاکه‌یته‌وه و سیسته‌می سه‌رۆکایه‌تی په‌یره‌وکه‌یت، ئه‌مه یه‌کتربڕین له‌گه‌ڵ ناوه‌ندا دروست ده‌کات.
ووریا کاڵێ ئه‌م گفتووگۆیه‌ی سازداوه
