Accessibility links

کاربه‌ده‌سـتێـکی ڕووسیا: نزیکه‌ی 1500 هاوڵاتی ناوچه‌ی باکوری قه‌وقاز په‌یوه‌ندیـیان به‌ داعشه‌وه‌ کردووه‌

  • VOA News

گه‌وره‌ کاربه‌ه‌سـتێـکی ڕووسیا ده‌ڵێت نزیکه‌ی 1500 که‌س له‌ دانیشتوانی ناوچه‌ی باکوری قه‌وقاز له‌ ڕووسیا بوون به‌ داعش و ئێسـتا له‌ سوریا و عێراق شه‌ڕ ده‌که‌ن.

سێرگی مێلکۆڤ نێردراوی ڤلادیمیر پـوتن سه‌رۆکی ڕووسیا بۆ قه‌وقاز ئه‌م زانیاریـیه‌ی بۆ کاربه‌ده‌سـتانی باڵای ده‌زگای ئاسایشی فیدراڵی وڵاته‌که‌ی ئاشکراکرد و گوتی له‌وانه‌ 5 که‌سیان له‌ هه‌ڵمه‌تی هێزه‌کانی ئاسایش کوژراون کاتێـک ساڵی ڕابردوو بۆ وڵات گه‌ڕاوبوونه‌وه‌.

گوتیشی داعش مه‌ترسیـیه‌کی گه‌وره‌ بۆ ناوچه‌ی باکوری قه‌وقاز دروسـتده‌کات، بۆیه‌ پـێویسته‌ هه‌وڵ بدرێت ڕێـگه‌ له‌ گه‌نجان بگیرێت په‌یوه‌ندی به‌و ڕێـکخراوه‌ تێرۆرستیـیه‌وه‌ نه‌که‌ن. هه‌روه‌ها پـێویسته‌ به‌ دواداچوون بۆ ئه‌وانه‌ش بکرێن که‌ چوونه‌ته‌ ڕیزه‌کانی داعشه‌وه‌.

XS
SM
MD
LG