Accessibility links

داعش هێرشێـکی گه‌وره‌ بۆ سه‌ر ناوچه‌ی سه‌ری کانی ده‌کات

  • VOA News

کاربه‌ده‌سـتانی کورد و کۆمه‌ڵه‌ی سوریا بۆ چاودێری مافه‌کانی مرۆڤ ده‌ڵێن داعش هێرشێـکی گه‌وره‌ی کردووه‌ته‌ سه‌ر ناوچه‌ی سه‌رێ کانیی نزیک سنووری تورکیا له‌ پارێزگای حه‌سه‌که‌.

نه‌واف خه‌لیل گوته‌بێژی یه‌کینه‌کانی پاراستنی گه‌ل (یه‌په‌گه‌) به‌ ئاژانسی ده‌نگ‌وباسی ئه‌سۆشیه‌تد پـرێسی گوتووه‌ داعش هێرشه‌که‌ی به‌ هێزێـکی گه‌وره‌ کردووه‌ و شه‌ڕه‌کان ناوچه‌یه‌کی به‌رفراوانی گرتووه‌ته‌وه‌.

ڕامی عه‌بدولڕه‌حمان به‌ڕێوه‌به‌ری کۆمه‌ڵه‌ی سوریا بۆ چاودێری مافه‌کانی مرۆڤ ئه‌ویش گوتویه‌تی زیاتر له‌ هه‌زار چه‌کداری داعش به‌ چه‌کی قورسه‌وه‌ هێرشه‌که‌یان ده‌سـتپـێـکردووه‌ و له‌ ئاکامدا به‌ ده‌یان چه‌کداری داعش کوژراون و هه‌روه‌ها به‌ ده‌یان شه‌ڕڤانی یه‌په‌گه‌ش گیانیان له‌ده‌ستداوه‌.

پاشان گوتویه‌تی شه‌ڕه‌که‌ له‌ نیوه‌ شه‌ودا گه‌یشـتووه‌ته‌ ئه‌وپه‌ڕی توندی و داعش توانیویه‌تی گوندی ته‌ل خه‌نزیر داگیربکات که‌ نزیکه‌ی 30 کیلۆمه‌تر له‌ ڕۆژئاوای شـاری سه‌ری کانیـیه‌وه‌ دوره‌. به‌ڵام زانا عومه‌ر په‌یامنێری ده‌نگی ئه‌مه‌ریکا ده‌ڵێت هێشـتا شه‌ڕ له‌ ته‌ل خه‌نزیر به‌رده‌وامه‌.

جێی ئاماژه‌یه‌ سه‌ری کانی شارێـکی دێرینه‌ و سێـیه‌م گه‌وره‌ترین شـاری کوردیـیه‌ له‌ پارێزگای حه‌سه‌که‌، ژماره‌ی دانیشـتوانه‌که‌ی زیاتر له‌ 50 هه‌زار که‌سه‌.

XS
SM
MD
LG