هێرشه‌ ئاسمانیه‌کانی حکومه‌تی سوریا ده‌یان کوژراو و برینداری لێده‌که‌ونه‌وه‌

دوو ڕێکخراوی سیڤیڵی ده‌ڵێن هێرشه‌ ئاسمانیه‌کانی حکومه‌تی سوریا بۆ سه‌ر شوێنه‌کانی سه‌رهه‌ڵداوان له‌ ده‌وروبه‌ری دیمه‌شقی پایته‌خت بوونه‌ته‌ مایه‌ی کوژرانی به‌لانی که‌م 10 که‌س.

کۆمیته‌ی ڕێکخستنی چالاکوانان و هه‌روه‌هاش ڕێکخراوی سوریایی بۆ مافه‌کانی مرۆڤ بنکه‌ له‌ به‌ریتانیا ده‌ڵێن ئه‌م هێرشه‌ ئاسمانیانه‌ی ئه‌مڕۆ یه‌کشه‌ممه‌ ناوچه‌ی ئه‌ربه‌عین ی ڕۆژهه‌ڵاتی دیمه‌شقیان کردبووه‌ ئامانج.

کۆمیته‌ی ڕێکخستنی چالاکوانانی خۆجێیی ده‌ڵێن له‌و هێرشه‌ ئاسمانیانه‌دا به‌لانی که‌م 10 که‌س کوژراون و ده‌یانی تریش بریندارن.

به‌ڵام ڕیکخراوی چاودێری مافه‌کانی مرۆڤ ده‌ڵێت 11 که‌س کوژراون و زیاتر له‌ 50 که‌سیش بریندارن.