Accessibility links

به‌ره‌ی ڕزگاریی داوای نه‌مانی هاوکاریکردنی ئیسدرائیل ده‌کات

  • VOA News

به‌ره‌ی ڕزگاریی فه‌له‌ستینیه‌کان داوا له‌ مه‌حمود عه‌باس سه‌رۆکی فه‌له‌ستینیه‌کان ده‌کات تا هاوکاریه‌ ئاسایشیه‌کان له‌گه‌ڵ ئیسرائیلدا ڕابگرێت.

ئه‌م داوایه‌ی به‌ره‌ی ڕزگاریی پێده‌چیت وه‌ک تۆڵه‌ سه‌ندنه‌وه‌یه‌ک بێت له‌سه‌ر سڕ کردنی داهاتی باج له‌لایه‌ن ئیسرائیله‌وه‌.

ئه‌نجومه‌نی ناوه‌ندی به‌ره‌ی ڕزگاریی فه‌له‌ستینیه‌کان ڕۆژی 5شه‌ممه‌ ئه‌م داوایه‌ی کردووه‌ پاش دوو ڕۆژ کۆبوونه‌وه‌ کردن و ده‌شڵێت ئیسرائیل شکستی هێناوه‌ له‌ وابه‌سته‌بوون به‌ ڕێککه‌وتنه‌ واژۆ کراوه‌کانی نێوان هه‌ردوو لا.

هێشتا سه‌رۆکی فه‌له‌ستینیه‌کان باسی له‌وه‌ نه‌کردووه‌ ئایا ئه‌م پێشنیازه‌ی به‌ره‌ی ڕزگاریی به‌جێده‌گه‌یه‌نێت یان نا و هه‌روه‌هاش ئیسرائیلیش هێشاش هیچ وه‌ڵامێک یان تێبینیه‌کی نه‌بووه‌.

ئیسرائیل له‌ مانگی یه‌که‌وه‌ داهاتی باج ی له‌ فه‌له‌ستینیه‌کان گرتووه‌ له‌گه‌ڵ ئه‌وه‌شدا که‌ زۆر پێویستیانه‌. ئه‌م هه‌نگاوه‌ی ته‌لئه‌ڤیڤ پاش ڕاگه‌یاندنی ده‌سه‌ڵاتی فه‌له‌ستینیه‌کان هات سه‌باره‌ت به‌ هه‌وڵه‌کانی بۆ چوونه‌ ناو دادگای نێونه‌ته‌وه‌یی بۆ تاوان، که‌ ئیسرائیل و وڵاته‌ یه‌کگرتووه‌کانی ئه‌مریکاش به‌ توندی دژی وه‌ستاونه‌ته‌وه‌.

هاوکاری ئاسایشی نێوان فه‌له‌ستینیه‌کان و له‌شکری ئیسرائیل به‌ مه‌به‌ستی ئاڵوگۆڕ کردنی زانیاریه‌کانه‌ و هه‌روه‌هاش ڕێگه‌گرتن له‌ ڕوودانی توندوتیژی له‌ نێوان هێزه‌ سه‌ربازیه‌کانی ئیسرائیل و فه‌له‌ستینیه‌کاندا.

XS
SM
MD
LG