Accessibility links

ده‌زگاکانی ڕاگه‌یاندنی ئێران باس له‌ کوژرانی چه‌کدارێـکی به‌سیجیان له‌ عێراق ده‌که‌ن

  • VOA News

وێنه‌ی محمدهادي ذوالفقاري که‌ له‌ میدیاکانی ئێراندا بڵاوکراوه‌ته‌وه‌

وێنه‌ی محمدهادي ذوالفقاري که‌ له‌ میدیاکانی ئێراندا بڵاوکراوه‌ته‌وه‌

ده‌زگاکانی ڕاگه‌یاندنی ئێران ده‌ڵێن یه‌ک له‌ چه‌کدارانی هێزی به‌سیجی وڵاته‌که‌یان له‌ شه‌ڕی دژی داعش له‌ عێراقدا کوژراوه‌.

ئاژانسی نیمچه‌ فه‌رمی فارس یه‌کێـک بوو له‌و ده‌زگایانه‌ی ئه‌مڕۆ سێشه‌ممه‌ هه‌واڵه‌که‌ی بڵاوکرده‌وه‌ و گوتی محه‌مه‌دهادی زولفه‌قاری ڕۆژی یه‌کشه‌ممه‌ له‌ شه‌ڕی به‌رگری له‌ مه‌زاره‌کانی هه‌ردوو ئیمامی عه‌سـکه‌ری له‌ ناوچه‌ی مکیشفیه‌ی شـاری سامه‌ڕا کوژراوه‌.

مانگی دوازده‌ی سـاڵی ڕابردووش، فه‌رمانده‌یه‌کی باڵای سوپای پاسدارانی ئێران هه‌ر له‌ نزیک شـاری سامه‌ڕا کوژرا.

ئێران نکۆڵی ده‌کات له‌وه‌ی هێزی شه‌ڕکه‌ری بۆ عێراق ڕه‌وانه‌کردبێت و ده‌ڵێت ته‌نها ڕاوێژکارانی سه‌ربازی ڕه‌وانه‌ کردووه‌ تاوه‌کو یارمه‌تی حکومه‌تی عێراق بده‌ن له‌ شه‌ڕی داعش،. عێراقیش لای خۆیه‌وه‌ به‌شداری هێزی شه‌ڕکه‌ری ئێرانی له‌ شه‌ڕه‌کاندا ئاشکرا ناکات.

XS
SM
MD
LG