Accessibility links

کۆشکی سپی: هیچ به‌ڵگه‌یه‌ک نییه‌ ژنێکی ئه‌مه‌ریکایی به‌ هێرشی ئاسمانی ئوردن کوژرابێت


ISIS in Afghanistan

ISIS in Afghanistan

کاربه‌ده‌ستانی کۆشکی سپی ڕۆژی هه‌ینی ڕایانگه‌یاند ناتوانن ئه‌و ڕاگه‌یاندنه‌ی ڕێکخراوی ده‌وڵه‌تی ئسیلامی پشتڕاست بکه‌ن که‌ گوایه‌ هێرشه‌ ئاسمانییه‌کانی ئوردن ژنێکی ئه‌مه‌ریکایی کارمه‌ندی فریاگوزاری کوشتبێت.

خانمه‌ گوته‌بێژی ئه‌نجومه‌نی ئاسایشی نیشتیمانی برنادت میهان ڕایگه‌یاند بێگومان ئێمه‌ زۆر نیگه‌رانی ئه‌م ڕاپۆرتانه‌ین به‌ڵام له‌م کاته‌دا هیچ به‌ڵگه‌یه‌ک نییه‌ له‌گه‌ڵ ڕاگه‌یاندنه‌که‌ی ڕێکخراوی ده‌وڵه‌تی ئیسلامی بگونجێت.

کاربه‌ده‌ستانی ئوردن ئه‌م ڕاگه‌یاندنه‌یان به‌ پروپاگه‌نده‌ی تاوانبار ناودێر کرد. وه‌زیری ده‌ره‌وه‌ ناسر جه‌وده‌ له‌ تۆڕی کۆمه‌ڵایه‌تی تویته‌ر ڕایگه‌یاند ئه‌مه‌ فێڵ و ته‌ڵه‌که‌یه‌کی کۆنه‌ که‌ له‌لایه‌ن تیرۆرستانه‌وه‌ به‌کار ده‌ێت.

شانشینی ئوردون ده‌ڵێت هێرشه‌ ئاسمانیه‌کانی ده‌یکاته‌ سه‌ر ڕێکخراوی ده‌وڵه‌تی ئیسلامی ته‌نها سه‌ره‌تایه‌که‌ بۆ تۆڵه‌کردنه‌وه‌ی کوشتنه‌ دڕندانه‌که‌ی فڕۆکه‌وانه‌ ئوردونیه‌که‌ی له‌ مانگی 12 دا له‌ سوریا به‌ دیل گیرا.

فڕۆکه‌ جه‌نگیه‌کانی شانشینی ئوردون ده‌یان هێرشیان کردۆته‌ سه‌ر شوێنه‌کانی ڕێکخراوی توندڕه‌وی ده‌وڵه‌تی ئیسلامی له‌ هه‌ردوو وڵاتی سوریا و عێراقیشد.

XS
SM
MD
LG