Accessibility links

دواى 12 ساڵ قەدەغەکردنى هاتوچۆی شه‌وانه‌ لە بەغداد لاده‌برێت

  • گۆران تۆفیق

دواى ئەوەى بۆ ماوەى نزیکەى 12 ساڵ قەدەقەکردنى هاتووچۆ لە کاتژمێرى 12شەو لە بەغداى پایتەخى عێراق پەیرەو دەکرا دواجار، حەیدەر عەبادی، سەرۆک وەزیرانی عیراق و فەرماندەی گشتیی هێزە چەکدارەکان بڕیارید ا ئەو فەرمانە هەڵوەبوەشێنێتەوە کە حاڵەتێکى نائاسایى بە شارى بەغدا بەخشیبوو.

ئەم فەرمانەى سەرۆک وەزیرانى عێراق لە کاتێکدایە وڵات لە شەرى بەرەنگاربونەوەى مەترسیدارترین گروپى تێرۆرستی داعشدایە و وەک تەحەدایەک حکومەتى عێراق بۆ گروپە تێرۆرستییەکان جارێکى تر جموجوڵی هاتووچۆ بۆ شەوانى بەغدای پایتەخت دەگەرێنێنەوە،

فەرماندەیی پرۆسە سەربازییەکانی بەغداش رایدەگەیەنێت لە گەڵ ئەم بریارەى سەرۆک وەزیراندا فەرمانێکى تریش جێبەجێدەکرێت کە بۆ زیاتر دەماڵینى شارى بەغدایە لە دیاردەرى چەکدارى ئەمەش بە قەدەغەکردنى چەند ناوچەیەکی بەغدا لە هێزى سوپا و چەکدارى لەسەرەتاشدا لە ناوچەکانى کازمییە و ئەعزەمییە و مەنسور و سەیدییەوە دەست پێدەکەن،

هەر لەبەیاننامەکەى حکومەتى عێراقدا هاتوە ، لەقۆناغی یەکەمدا و لە ماوەى یەک مانگدا (100) شەقامی ناو شاری بەغدا دەکرێنەوە ، کە خۆیان نزیکەی‌ سێ‌ هەزار شەقام گەورەو بچوکن و پێشتر بەهۆی خراپی ڕەوشی ئەمنییەوە بەفەرمانى حکومەت بە بەربەستى کۆنکرێتى داخرابون.

XS
SM
MD
LG