Accessibility links

به‌ڕێوه‌به‌رایه‌تی کۆبانی به‌ فه‌رمی ڕزگارکردنی شاره‌که‌یان له‌ داعش ڕاده‌گه‌یه‌نن

  • VOA News

به‌ڕێوه‌به‌رایه‌تی کانتۆنی کابۆنی ڕۆژی سێشه‌ممه‌ به‌ فه‌رمی ڕزگارکردنی شاره‌که‌یان له‌ ده‌سـتی چه‌کدارانی داعش ڕاگه‌یاند.

ڕاگه‌یاندنه‌که‌ له‌ کۆنگره‌یه‌کی ڕۆژنامه‌وانیدا کرا که‌ تیایدا به‌رپـرسانی کانتۆنه‌که‌ ئاماده‌بوون، له‌وانه‌ ئه‌نوه‌ر موسلیم سه‌رۆکی کانتۆنی کۆبانی و عائیشه‌ ئه‌فه‌ندی هاوسه‌رۆکی ئه‌نجومه‌نی گه‌لی کۆبانی و مه‌حمود به‌رخودان فه‌رمانده‌ی گشـتی یه‌کینه‌کانی پاراستنی گه‌ل له‌ کۆبانی و عیسمه‌ت شێخ حه‌سه‌ن سه‌رۆکی ده‌سته‌ی به‌رگری و پاراستنی کۆبانی و هه‌ردوو جێـگره‌که‌ی ئا‌رجین هۆزان‌ و عه‌بدوڵڵا مسکۆ.

سه‌ره‌تا ساتێـک بۆ ڕێزلێنان له‌ گیانی قوربانیانیه‌کان وه‌ستان و پاشان ئه‌نوه‌ر موسلیم به‌یانـنامه‌ی هاوبه‌شی خۆیانی خوێنده‌وه‌ و تیایدا پـیرۆزبایی و ده‌سـتخۆشی له‌ هه‌موو گه‌لی کورد و هێزه‌کانی یه‌په‌گه‌ و یه‌په‌ژه‌ و پـێشمه‌رگه‌ و هێزه‌کانی هاوپه‌یمانان و لایه‌نگرانی دیموکراسی کرد به‌بۆنه‌ی ڕزگارکردنی شاره‌که‌یان.

هه‌روه‌ها ژماره‌یه‌ک به‌رپـرسی دیکه‌ به‌و بۆنه‌یه‌وه‌ قسه‌یان بۆ ئاماده‌بووان کرد.

هاوکات هه‌ر ڕۆژی سێشه‌ممه‌ گوندی حه‌له‌نج ئازادکرا و ئێسـتا شه‌ڕ له‌ نزیک گوندی شیرانه‌.

XS
SM
MD
LG