Accessibility links

مێزگرد: هه‌رێمی کوردستان و قه‌یرانی دارایی و به‌ڕێوه‌بردن

  • Balen Salih

له‌ هه‌ر بۆنه‌یه‌کدا بووبێت سه‌رکرده‌ سیاسیه‌کان له‌ هه‌رێمی کوردستانی عێراق جه‌خت له‌ یه‌کگرتوویی و یه‌کڕیزی و هاوهه‌ڵوێستی ده‌که‌ن له‌ناو ماڵی کورددا.

دکتۆر ئومێد ڕه‌فیق

دکتۆر ئومێد ڕه‌فیق

به‌ڵام هه‌ر ته‌نها به‌ ئاوڕدانه‌وه‌یه‌کی خێرا ده‌سبه‌جێ ئه‌وه‌ت بۆ ده‌رده‌که‌وێت وه‌ک زۆرێک له‌ چاودێر ده‌ڵێن ئه‌وه‌نده‌ی ئێستا ماڵی کورد په‌ڕته‌وازه‌ و شپرزه‌یه‌، هیچ کاتێکی تر ئاوه‌ها نه‌بووه‌، هێنده‌ی ئه‌وه‌ی وه‌ک ده‌گوترێت ناکۆکیه‌کان و بێ متمانه‌یی قوڵ بوونه‌ته‌وه‌ له‌ هیچ سه‌روه‌ختێکی تردا وه‌ها نه‌بووه‌.

میوانه‌کانی مێزگرد:

دکتۆر ئومێد ڕه‌فیق، پسپۆڕی زانسته‌ سیاسیه‌کان له‌ زانکۆی سلێمانی: کاریگه‌ریی ولاتانی دراوسێ له‌سه‌ر لایه‌نه‌ سیاسیه‌کان وه‌ها ده‌کات نێوه‌ندی بڕیاردان له‌ هه‌رێم لاواز بێت و نه‌توانێت ئاڕاسته‌ی بڕیاره‌کانی خۆی دیار بکات.

مه‌سعود عه‌بدولخالق، سه‌رنوسه‌ری ماڵپه‌ڕی ستانده‌رد: بینیمان ته‌واوی دامه‌زراوه‌کانی ئه‌م هه‌رێمه‌ ئێجگار له‌رزۆکن و تێنه‌گه‌یشتنیش له‌ ڕه‌وشه‌ سیاسیه‌که‌ وه‌های کردووه‌ به‌رده‌وام ناکۆکی ئاماده‌یی هه‌بێت.

پێشتر که‌ باس له‌ پێکهێنانی کابینه‌ی 8 ده‌کرا و جه‌خت له‌ کابینه‌یه‌کی بنکه‌ فراوان ده‌کرایه‌وه‌، به‌و مه‌به‌سته‌ بووه‌ سه‌قامگیریه‌کی سیاسی و ئابوری له‌ هه‌رێمه‌که‌دا بهێنرێته‌ ئاراوه‌.

مه‌سعود عه‌بدولخالق

مه‌سعود عه‌بدولخالق

کابینه‌ی بنکه‌ فراوان پێکهێنرا، به‌ڵام هاوکات قه‌یرانه‌کان فراوانتر بوون به‌شیوه‌یه‌ک ئێستا له‌وه‌ ده‌چێت هه‌ر وه‌زاره‌تێکی له‌م کابینه‌یه‌دا به‌ به‌رنامه‌یه‌ک و په‌یڕه‌وێکی تایبه‌ت به‌ حیزبه‌که‌ی خۆی کار بکات نه‌ک کارنامه‌یه‌ک حکومه‌تی هه‌رێم خاوه‌نی بێت.

شه‌ڕی دژی تێرۆریستانی ده‌وڵه‌تی ئیسلامیش که‌لێنه‌کانی زیاتر کردووه‌ نه‌ک بیانڕه‌وێنێته‌وه‌ و ئێستاش ئه‌م جیاوازیانه‌ به‌ ئاشکرایانه‌ له‌ زمانی میدیای لایه‌نه‌ سیاسیه‌کانی هه‌رێمی کوردستانی عێراقدا دیارن.

زانیاری زیاتر له‌ ده‌قی مێزگرده‌که‌دایه‌:

XS
SM
MD
LG