Accessibility links

ژماره‌یه‌ک له‌ کورده‌ ئێزیدیه‌کان ئازاد ده‌کرێن

  • VOA News

ڕێکخراوی ده‌وڵه‌تی ئیسلامی به‌لانی که‌م 200 که‌سی ئێزیدی ئازادکردووه‌ پاش ئه‌وه‌ی بۆ ماوه‌ی 5 مانگ ده‌ستگیرکرابوون له‌ عێراق.

کاربه‌ده‌ستان ده‌ڵێن ده‌کرێت بگوترێت هه‌ر هه‌موو ئه‌و ئێزیدیانه‌ی ڕۆژی شه‌ممه‌ ئازادکراون خه‌ڵکی به‌ ته‌مه‌ن و نه‌خۆش بوون و هه‌روه‌ها چه‌ند منداڵێکیشیان تیادایه‌.

چه‌کداره‌کانی ڕێکخراوی ده‌وڵه‌تی ئیسلامی له‌ مانگی هه‌شتدا هێرشیان کرده‌ سه‌ر ئێزیدیه‌کان و ئه‌م هێرشه‌ش بووه‌ مایه‌ی ناچارکردنی هه‌زاران ئێزیدی تا ڕووبکه‌نه شاخی شنگال.

توندڕه‌وانی ده‌وڵه‌تی ئیسلامی زۆربه‌ی ئه‌وانه‌ی هاوڕا و هاوباوه‌ڕیان نه‌بن به‌ کافریان داده‌نێن، به‌ڵام پێده‌چێت ڕق و کینه‌یه‌کی زۆریان به‌رامبه‌ر به‌ ئێزیدیه‌کان هه‌بێت.

توندڕه‌وانی ده‌وڵه‌تی ئیسلامی له‌ پێشڕه‌ویه‌کانیاندا له‌ عێراقدا به‌ کۆمه‌ڵ ته‌قه‌یان له‌ پیاوانی ئێزیدی کردووه‌ و ژنان و کچه‌کانی ئێزیدیان ڕفاندووه‌ وشانازییان کردووه‌ به‌وه‌ی وه‌ک کۆیله‌ فرۆشتویانن.

ئه‌و ڕێنوماییانه‌ی له‌م ماوه‌یه‌ی ڕابردوودا ڕێکخراوی ده‌وڵه‌تی ئیسلامی بڵاوی کردۆته‌وه‌ باس له‌ شێوازی ده‌ستدرێژیه‌ سێکسیه‌کان و شێوازی تری هێرشه‌کان ده‌کات که‌ ڕووبه‌ڕووی کۆیله‌ ده‌بنه‌وه‌.

به‌ درێژایی سه‌ده‌کانی ڕابردوو کورده‌ ڕه‌سه‌نه‌کانی ئێزیدی ڕووبه‌ڕووی جیاوازی کردن بوونه‌ته‌وه‌ به‌ تایبه‌تیش له‌لایه‌ن موسڵمانه‌ عه‌ره‌به‌کانه‌وه‌ که‌ تێگه‌یشتنیان نییه‌ بۆ ئاینه‌که‌یان.

XS
SM
MD
LG