Accessibility links

هێزه‌ کوردیـیه‌کان چه‌ند شوێنێـکی کۆبانی ڕزگارده‌که‌ن و شکست به‌ هێرشێـکی داعش ده‌هێنن

  • VOA News

شه‌ڕی توند له‌ کۆبانی بۆ ئه‌مڕۆ سێشه‌ممه‌ش به‌رده‌وام بووه‌ و هێزه‌کانی یه‌په‌گه‌ و یه‌په‌ژه‌ به‌ پاڵپشـتی هێزی پـێشـمه‌رگه‌ و فڕۆکه‌ جه‌نگیـیه‌کانی هاوپه‌یمانان توانیویانه‌‌ چه‌ند شوێنێـکی دیکه‌ی شاره‌که‌ له‌ داعش پاکبکه‌نه‌وه‌.

زارا مسـتۆ به‌رپـرسی ئۆفیسی کۆبانی ماڵپه‌ڕی وڵاتی بۆ به‌شی کوردی ده‌نگی ئه‌مه‌ریکای ڕاگه‌یاند له‌و شه‌ڕانه‌ی سێشه‌ممه‌ 9 چه‌کداری داعش کوژراون.

هاوکات فڕۆکه‌کانی هاوپه‌یمانانیش شوێنه‌کانی چه‌کدارانی داعشیان له‌ به‌رزایـیه‌کانی مشـته‌نور و کانی عه‌ره‌بان و مگته‌له بۆردومان کردووه‌‌. هێزه‌که‌ی پـێشـمه‌رگه‌ش به‌ چه‌که‌ قورسه‌کانی له‌ شوێنه‌کانی داعشیان داوه‌ له‌ باشوری ڕۆژئاوای کۆبانی له‌ گوندی عه‌لبه‌لور و مناز و کێڵگه‌ی داوود.

له‌ لایه‌کی دیکه‌وه‌ هێزه‌ کوردیـیه‌کان توانیویانه‌ شـکست به‌ هێرشێـکی چه‌کدارانی داعش بهێنن که‌ کردبوویانه‌ سه‌ر چوارگۆشه‌ی ئاسایشی. ده‌ڵێت زۆربه‌ی کوژراوه‌کان که‌سانی بیانین و ته‌نها بۆ خۆکوشتن ڕه‌وانه‌ی کۆبانیـیان کردوون.

پاشان گوتی شه‌ڕ له‌ ڕۆژهه‌ڵات و باشوری کۆبانی له‌ نزیک مشته‌نور و قوتابخانه‌ی ڕه‌ش به‌رده‌وامه‌.

XS
SM
MD
LG