Accessibility links

سعودیه‌ 3 هاوڵاتی خۆی و 4 سوری به‌ تاوانی تێرۆرسـتی ده‌سـتگیرده‌کات

  • VOA News

ده‌سه‌ڵاتدارانی عه‌ره‌بستانی سعودیـیه‌ ده‌ڵێن 7 که‌سیان ده‌سـتگیرکردووه‌ له په‌یوه‌ندی به‌ ته‌قینه‌وه‌یه‌کی خۆکوژی و هێرشێـکی چه‌کداری له‌ نزیک سنووری نێوان وڵاته‌که‌یان و عێراقدا.

ئاژانسی ده‌نگ‌وباسی فه‌رمی سعودیـیه‌ ڕۆژی هه‌ینی له‌ زاری مه‌نسور بن سوڵتان ئه‌لتورکی گوته‌بێژی وه‌زاره‌تی ناوخۆ ڕایگه‌یاند هێزه‌کانی ئاسایش 3 سعودی و 4 سوریـیان ده‌سـتگیرکرووه‌. ئاماژه‌ی بۆ ئه‌وه‌ش کرد چه‌کی کڵاشینکۆف و بۆمب و ته‌قه‌مه‌نیـیان پـێـگیراوه‌ له‌گه‌ڵ بڕێـک پاره‌ و ته‌له‌فونی مۆبایل.

پـێشتر وه‌زاره‌ته‌که‌‌ ڕایگه‌یاند ڕۆژی دووشه‌ممه‌ هێرشێـکی تێرۆرسـتی کراوه‌ته‌ سه‌ر خاڵێـکی سنووری نێوان وڵاته‌که‌ی و عێراق و له‌ ئاکامدا 3 که‌س له‌ هێزه‌کانی ئاسایش کوژراون له‌گه‌ڵ 4 له‌ هێرشبه‌ره‌کان.

XS
SM
MD
LG