Accessibility links

له‌ ئاکامی چه‌ند ته‌قینه‌وه‌یه‌کی خۆکوژی له‌ عێراق به‌ لایه‌نی که‌م 23 که‌س کوژران

  • VOA News

کاربه‌ده‌سـتانی عێراق ده‌ڵێن ئه‌مڕۆ پـێـنجشه‌ممه‌ چه‌ند هێرشێـکی خۆکوژی به‌ ئۆتۆمبیلی بۆمبڕێژکراو له‌ باشوری به‌غدای پایته‌خت و ده‌وروبه‌ری شاری سامه‌ڕای ناوه‌ڕاستی وڵاته‌که‌ کراون و له‌ ئاکامدا به‌ لایه‌نی که‌م 23 که‌س کوژراون و ده‌یان که‌سی دیکه‌ برینداربوون.

زۆربه‌ی هێرشه‌کان له‌ ده‌روازه‌کانی سامه‌ڕا بوون‌ و به‌ تانکه‌ری بۆمبڕێژکراو کراون. ده‌ڵێن له‌ ده‌روازه‌کانی سامه‌ڕا بۆ قه‌زای دۆر و ڕێگای حوێش و فه‌لـلوجه‌ ته‌قیونه‌ته‌وه‌. هاوکات به‌ گولـله‌ خومپاره‌ له‌ ناوه‌ڕاستی شاره‌که‌ دراوه‌.

له‌ ناوچه‌ی یوسفیـیه‌ی باشوری به‌غدا، ئۆتۆمبیلێـکی بۆمبڕێژکراو له‌ خاڵێـکی پشـکنینی پـۆلیسـدا ته‌قیوه‌ته‌وه‌ و له‌وێ 3 پـۆلیس و 4 که‌سی سیڤیل کوژراون و 21 که‌سی دیکه‌ برینداربوون.

له‌ ناو به‌غدا، خۆکوژێـک خۆی کله‌‌ به‌ نێو مزگه‌وتێـکی شیعه‌دا ته‌قاندووه‌ته‌وه‌ له‌ ناوچه‌ی عه‌دلی ڕۆژئاوای شاره‌که‌ و له‌وێش 3 که‌س کوژراون و 9 که‌سی دیکه‌ برینداربوون.

XS
SM
MD
LG