Accessibility links

سه‌رۆک ئۆباما له‌ به‌یانـنامه‌یه‌کدا به‌ توندی هێرشه‌که‌ی سه‌ر پاریس سه‌رزه‌نشت ده‌کات

  • VOA News

سه‌رۆکی ویلایه‌ته‌ یه‌کگرتووه‌کانی ئه‌مه‌ریکا براک ئۆباما به‌یانـنامه‌یه‌کی له‌ باره‌ی هێرشه‌که‌ی ئه‌مڕۆی سه‌ر گۆڤاری شـارلی ئێبدۆ فه‌ڕه‌نسایی ده‌رکرد و تیایدا به‌ توندی ئه‌و کاره‌ تێرۆرستیـیه‌ی سه‌رزه‌نشتکرد و هاوسۆزی خۆی بۆ گه‌لی فه‌ڕه‌نسـا ده‌ربڕی.

سه‌رۆک ئۆباما له‌ به‌یانـنامه‌که‌یدا ئاماژه‌ی به‌وه‌ کرد فه‌ڕه‌نسا دۆسـتی هه‌ره‌ دێرینی ئه‌مه‌ریکایه‌ و شان به‌ شانی ئه‌مه‌ریکا له‌ دژی ئه‌و تێرۆرسـتانه‌ جه‌نگیوه‌ که‌ مایه‌ی هه‌ڕه‌شه‌ن بۆ سه‌ر هه‌ردوو وڵات و جیهان به‌ گشـتی.

سه‌رۆکی ئه‌مه‌ریکا گوتیشی له‌ په‌یوه‌ندیدان له‌گه‌ڵ کاربه‌ده‌سـتانی فه‌ڕه‌نسا و فه‌رمانی به‌ به‌ڕێوه‌به‌رایه‌تیـیه‌که‌ی کردووه‌ به‌ هه‌موو توانایه‌کی یارمه‌تی بدات له‌ ده‌سـتگیرکردنی ئه‌و تێرۆرسـتانه‌ و دادگایی‌کردنیان.

XS
SM
MD
LG