Accessibility links

ئێران نکۆڵی له‌ ئاڵوگۆرکردنه‌وه‌ی زیندانیان ده‌کات

  • VOA News

ئێران نکۆڵی له‌و راپۆرتانه‌ ده‌کات که‌ واشنتن پێشنیاری ئاڵوگۆرکردنه‌وه‌ی بۆ مارینێکی پێشینی وڵاته‌ یه‌کگرتووه‌کان کردووه‌ که‌ له‌ ساڵی 2011 وه‌ له‌ زینداندایه‌.

وته‌بێژه‌ی وه‌زاره‌تی ده‌ره‌وه‌ی ئێران مه‌رزیه‌ ئه‌فخه‌م ووتی هیچ داخوازیه‌کی فه‌رمی نه‌بوه‌ بۆ ئاڵوگۆردنی ئه‌و ئێرانیانه‌ی لای وڵاته‌ یه‌کگرتووه‌کاندا زیندانی کراوون بۆ ئه‌میر حیکمه‌تی.

‌ئه‌میر حیکمه‌تی ته‌مه‌نی 31 ساڵه و له‌ داێکبووی ئیاله‌تی ئه‌ریزۆنایه‌ و خاوه‌ن ناسنامه‌ی هه‌ردوو ئه‌مه‌ریکایی و ئێرانیه‌ و هه‌ر له‌ مانگی هه‌شتی‌ ساڵی 2011 له‌ ئێران ده‌ستگیر کراوه‌.

وڵاته‌ یه‌کگرتووه‌کان بێ چه‌ند و چۆن نکۆڵی له‌ راپۆرته‌که‌ی کرد و داواکاریه‌که‌ی بۆ ئازادکردنی حیکمه‌تی له‌سه‌ر بناغه‌ی مرۆڤایه‌تیانه‌ دووپات کرده‌وه‌.

حیکمه‌تی به‌ سیخوری بۆ CIA تاوانبار کرا و سزای مردنیان به‌سه‌ردا سه‌پاند به‌ڵام له‌ سه‌ره‌تای ئه‌مساڵ کاربه‌ده‌ستانی ئێرانی بریاره‌که‌یان بۆ 10 ساڵ زیندان هێنایه‌ خواره‌وه‌.

پاریزه‌ره‌که‌ی مه‌حمود عه‌لیزاده‌ ته‌باته‌بایی له‌ رۆژی سێشه‌ممه‌ ووتی واشنتن پێشنیاره‌که‌ی له‌ رێگای باڵیۆزخانه‌ی سویسه‌وه‌ که‌ کاروباره‌کانی ئه‌مه‌ریکا له‌ ئێران به‌رێوه‌ ده‌بات پێشکه‌ش کرد.

XS
SM
MD
LG