Accessibility links

یه‌په‌گه‌ گوندی ئه‌بو قه‌سایبی پارێزگای حه‌سه‌که‌ کۆنترۆڵ ده‌کاته‌وه‌ و به‌ ده‌یان چه‌کداری داعش ده‌کوژرێن

  • VOA News

یه‌کینه‌کانی پاراستنی گه‌ل یه‌په‌گه‌ جارێکی دیکه‌ گوندی ئه‌بو قه‌سایبیان کۆنترۆڵ کرده‌وه‌ که‌ 60 کیلۆمه‌تر له‌ باشوری ڕۆژهه‌ڵاتی شاری قامیشلوه‌وه‌ دوره‌ و زیاتر له‌ 30 چه‌کداری داعش کوژراون.

ڕاگه‌یاندنی یه‌په‌گه‌ ده‌ڵێت داعش ڕۆژی دووشه‌ممه‌ هێرشی کرده‌ سه‌ر ئه‌و گونده‌ که‌ ده‌که‌وێته‌ باکوری ته‌ل حه‌میس و له‌ ئاکامدا 4 شه‌ڕڤان گیانیان له‌ده‌سـتدا و گونده‌که‌ که‌وته‌ ژێر ده‌سـتی چه‌کدارانی داعشه‌وه‌.

به‌ڵام شه‌وی چوارشه‌ممه‌ هێزه‌کانی یه‌په‌گه‌ هه‌ڵمه‌تێـکیان ده‌سـتپـێـکرد بۆ ئازادکردنه‌وه‌ی گونده‌که‌، سه‌ره‌تا له‌ شوێنه‌کانی داعش دران و 7 چه‌کداری داعش کوژران و 3 ماشێنی له‌شکری تێـکشکێنران. پاشان شه‌ڕی ڕووبه‌ڕوو هه‌ڵگیرسا و له‌ ئاکامدا 12 چه‌کداری دیکه‌ کوژران.

دواتر هێزه‌کانی یه‌په‌گه‌ گه‌یشـتوونه‌ته‌ ناو گونده‌که‌ و له‌وێش 18 چه‌کداری دیکه‌ی داعش کوژراون، به‌مه‌ش کۆی کوژراوانی داعش له‌و هه‌ڵمه‌ته‌ گه‌یشته‌ 37 که‌س، له‌وانه‌ ته‌رمی 12 یان که‌وتنه‌ ده‌سـتی هێزه‌کانی یه‌په‌گه‌وه‌. هه‌روه‌ها ده‌سـتیشگیراوه‌ به‌سه‌ر یه‌ک ماشێنی زرێـپـۆش و 19 چه‌کی کلاشینکۆڤ و 5 چه‌کی ئارپـیجی و چه‌ندان جۆره‌ چه‌کی دیکه‌. سه‌رئه‌نجام گوندی ئه‌بو قه‌سایب و ته‌ل حه‌میس کۆنترۆڵ کرانه‌وه‌.

ڕامی عه‌بدوڵڕه‌حمان به‌ڕێوه‌به‌ری کۆمه‌ڵه‌ی سوریا بۆ چاودێری مافه‌کانی مرۆڤ بنکه‌ له‌ به‌ریتانیا هه‌واڵه‌که‌ی بۆ ئاژانسی فڕانس پـرێس پشـتڕاستکره‌وه‌ و گوتی ئه‌و چه‌کدارانه‌ی داعش له‌وانه‌ بوون که‌ له‌ عێراقه‌وه‌ هاتبوون پاش ئه‌وه‌ی له‌ به‌رده‌م هێزه‌کانی پێشـمه‌رگه‌ دووچاری شـکست بوون. گوتیشی به‌ لایه‌نی که‌م 30 چه‌کداری داعش له‌و شه‌ڕه‌دا کوژران.

XS
SM
MD
LG