Accessibility links

فڕۆکه‌یه‌کی ئوردن له‌ ڕه‌ققه‌ی ژێر ده‌سـتی داعش ده‌که‌وێته‌ خوارێ و فڕۆکه‌وانه‌که‌ی ده‌سـتگیرده‌کرێت

  • VOA News

کاربه‌ده‌سـتانی ئوردن پشـتڕاستی ده‌که‌نه‌وه‌ فڕۆکه‌یه‌کی جه‌نگی خۆیان له‌ پارێزگای ڕققه‌ی ژێر ده‌سـتی داعش له‌ سوریا که‌وتووه‌ته‌ خوارێ و فڕۆکه‌وانه‌که‌ی له‌ لایه‌ن چه‌کدارانی داعشه‌وه‌ ده‌سـتگیرکراوه‌.

له‌شکری ئوردن ڕۆژی چوارشه‌ممه‌ له‌ به‌یانـنامه‌یه‌کیدا ئه‌مه‌ی ڕاگه‌یاند و گوتی داعش و ئه‌وانه‌ی پشـتیوانی لێده‌که‌ن به‌رپـرسن له‌ سه‌لامه‌تی گیانی فڕۆکه‌وانه‌که‌.

داعش ڤیدیۆی ده‌سـتگیرکردنی فڕۆکه‌وانه‌که‌ی بڵاوکردووه‌ که‌ ناوی مه‌عاز یوسف ئه‌لکه‌ساسبه‌یه‌ (معاذ يوسف الكساسبة) ، له‌ ڤیدیۆکه‌دا نووسرابوو به‌دیلگرتنی فڕۆکه‌وانێـکی ئوردنی هه‌ڵگه‌ڕاوه‌ له‌ ئاین.

یوسفی باوکی فڕۆکه‌وانه‌که‌ بۆ ده‌زگاکانی ڕاگه‌یاند قسه‌ی کردووه‌ و گوتویه‌تی فه‌رمانده‌ی هێزی ئاسمانی ئوردن په‌یوه‌ندی ته‌له‌فۆنی له‌گه‌ڵدا کردووه‌ و پـێی ڕاگه‌یاندووه‌ هه‌وڵی ڕزگارکردنی کۆڕه‌که‌ی ده‌ده‌ن و شا عه‌بدوڵڵا به‌خۆی به‌ دواداچوونی بۆ ده‌کات و ژیانی کوڕه‌که‌یانی لا گرنگه‌.

جێی ئاماژه‌یه‌ ئه‌مه‌ یه‌که‌م فڕۆکه‌ی هاوپه‌یمانانه‌ بکه‌وێته‌ خوارێ له‌وه‌تای هه‌ڵمه‌تی نێوده‌وڵه‌تی له‌ دژی داعش ده‌سـتیپـێـکردووه‌.

XS
SM
MD
LG