Accessibility links

کۆمه‌ڵه‌ی چاودێری: زیاتر له‌ هه‌زار چه‌کداری داعش به‌ هێرشه‌ ئاسمانیـیه‌کانی ئه‌مه‌ریکا له‌ سوریا کوژراون

  • VOA News

کۆمه‌ڵه‌ی سوریایی بۆ چاودێری مافه‌کانی مرۆڤ بنکه‌ له‌ به‌ریتانیا ده‌ڵێت ئه‌و هێرشه‌ ئاسمانیـیانه‌ی فڕۆکه‌کانی ئه‌مه‌ریکا ماوه‌ی سێ مانگه‌ له‌ سوریا ئه‌نجامی ده‌ده‌ن، هه‌تا ئێسـتا کوژرانی به‌ لایه‌نی که‌م 1171 که‌سی لێکه‌وتوونه‌ته‌وه‌ و زۆربه‌یان چه‌کداری داعشن.

ڕامی عه‌بدولڕه‌حمان به‌ڕێوه‌به‌ری کۆمه‌ڵه‌که‌ ڕۆژی سێشه‌ممه‌ به‌ ئاژانسی ده‌نگ‌وباسی ڕۆیته‌رزی گوت له‌و ژماره‌ کوژراوه‌ ته‌نها 52 که‌سیان خه‌ڵکی سیڤیل بوون. به‌ڵام تۆڕی چالاکوانانی کۆمه‌ڵه‌که‌ مه‌زه‌نده‌ ده‌کات ژماره‌ی کوژراوانی داعش له‌وه‌ زیاتربێت.

عه‌بدولڕه‌حمان گوتی چالاکوانان بۆیان سه‌خته‌ بگه‌نه‌ ئه‌و شوێنانه‌ی ژێر ده‌سه‌ڵاتی داعشن له‌ سوریا و فڕۆکه‌کانی هاوپه‌یمانان بۆردومانی ده‌که‌ن و له‌گه‌ڵ ئه‌وه‌شدا داعش زیانه‌کانی خۆی ده‌شارێته‌وه‌.

جێی ئاماژه‌یه‌ ئه‌م ژماره‌یه‌ی کۆمه‌ڵه‌که‌ ڕایگه‌یاندووه‌ ته‌نها ژماره‌ی کوژراوانی داعشه‌ له‌ سوریا و ئه‌وانه‌ی عێراقی تێدا نیـیه‌.

XS
SM
MD
LG