Accessibility links

جەلەولا: دەستگیرکراوێکى داعش چوار گۆڕى بە کۆمەڵ بۆ دەزگا ئەمنیەکان ئاشکرادەکات


دەستگیرکراوێکى داعش شوێنى سێ گۆڕى بە کۆمەڵ بۆ دەزگا ئەمنیەکان ئاشکرا دەکات ، کە قوربانیەکانى ناو ئەو سێ گۆڕە بە کۆمەڵە لەلایەن چەکدارەکانى داعشەوە گوللەبارانکراون و دواتر خراونەتە نێو گۆڕى بەکۆمەڵەوە و بە شۆفڵ داپۆشراون.

بەپێى وتەى بەڕێوەبەرى دەزگاى شەهیدان و ئەنفالکراوەکانى گەرمیان ، گۆڕە بە کۆمەڵەکانى نزیک جەلەولا و سەعدیە 70 رووفاتى تێدایە و سەرجەمیان لەلایەن داعشەوە کوژراون.

جەبار عومەر بەڕێوەبەرى دەزگاى شەهیدانى گەرمیان، بە دەنگى ئەمه‌ریکاى راگەیاند" گۆڕە بە کۆمەڵەکان لە سەربازگەى کوبراو و نزیک ناوچەى کۆباشى دۆزراونەتەوە، کە لەو ناوچانەدا پـێشتر بارەگاى سەربازى داعشى تێدابووە".

دۆزینەوەى ئەو گۆڕە بە کۆمەڵانە لە جەلەولا و سەعدیە لە کاتێکدایە ژمارەیەک هاوڵاتى دانیشتووى ئەو دوو ناحیەیە چارەنوسیان نادیارە، ئەمە جگە لە چەند پـێشمەرگه‌یه‌کیش کە لەلایەن داعشەوە شوێن بزرکراون.

ئەنوەر حسێن بەڕێوەبەرى ناحیەى جەلەولا ، ئاماژە بەوە دەکات لە نزیک جەلەولا و سەعدیە دوو گۆڕى بە کۆمەڵ بە شێوەیەکى نازانستى و لە رێگەى شۆفڵەوە هەڵدراونەتەوە، دەڵێت"رووفاتى نێو گۆڕە بە کۆمەڵەکان ناناسرێنەوە چونکە هیچ بەڵگەنامەیەکیان پێنیە ، بەڵام سەرجەمیان بەبڕیارى دادوەرى شەرعى داعش لە سەعدیە کوژراون".

شایه‌نی باسه‌ کەس و کارى ئەو هاوڵاتیانەى کە شوێنبزرکراون لەبەر ئاوارەیى‌بوونیان دەزگا ئەمنیەکانیان لەدیارنەبوونى رۆڵەکانیان ئاگادار نەکردووەتەوە.

please wait

No media source currently available

0:00 0:03:24 0:00

XS
SM
MD
LG