Accessibility links

به‌هۆی ته‌قینه‌وه‌ی 2 ئۆتۆمبیلی بۆمبڕێژکراو له‌ به‌غدا ژماره‌یه‌ک که‌س گیانیان له‌ده‌سـتده‌ده‌ن

  • VOA News

له‌ ئه‌نجامی ته‌قینه‌وه‌ی 2 ئۆتۆمبیلی بۆمبڕێژکراودا له‌ ناوچه‌کانی عامریـیه‌ و مه‌شته‌لی به‌غدای پایته‌ختی عێراق 30 که‌س کوژران و برینداربوون.

پـۆلیسی به‌غدا ڕایگه‌یاندووه‌ ئۆتۆمبیلی یه‌که‌م له‌ شه‌قامی مه‌تبه‌گی نزیک بازاڕی میلـلی ناوچه‌ی مه‌شته‌ل له‌ خۆرئاوای به‌غدا ته‌قیوه‌ته‌وه‌ و زۆربه‌ی قوربانیـیانی هه‌ردوو کاره‌ تێرۆرسـتیـیه‌که‌ش له‌و ناوچه‌یه‌دا بووه‌.

هه‌ر له‌ چوارچێوه‌ی توندوتیژیـیه‌کانی ئه‌مڕۆ دووشه‌ممه‌ له‌ به‌غدا چه‌ند بۆمبێـکی سه‌رشه‌قامیش له‌ ناوچه‌ جیاجیاکان ته‌قیوه‌ته‌وه‌ و له‌م کرده‌وانه‌شدا ژماره‌یه‌ک هاوڵاتی برینداربوون.

شایه‌نی باسه‌ چه‌ند ڕۆژێـکه‌ به‌غدا له‌ په‌لاماری تێرۆرسـتی به‌دور نیـیه‌ و هه‌رچه‌نده‌ له‌ ده‌روازه‌ی ناوچه‌کان و شه‌قامه‌ گشتیـیه‌کانیشه‌وه‌ خاڵی پـشـکنین دانراوه،‌ به‌ وردیش چاودێری جموجۆڵی سه‌رشه‌قامه‌کان ده‌کرێت که‌چی ڕۆژانه‌ چه‌ندین ناوچه‌ ده‌کرێنه‌ ئامانج و دوێنێش له‌سه‌ر ڕێـگای فڕۆکه‌خانه‌ی به‌غدا کاروانی ئۆتۆمبیله‌کانی نه‌ته‌وه‌ یه‌کگرتووه‌کان کرایه‌ ئامانج و هه‌ر له‌گه‌ڵ گه‌یشـتنی سه‌رۆکی ئه‌رکانی سوپای ئه‌مه‌ریکاش بۆ به‌غدا چه‌ند ته‌قینه‌وه‌یه‌ک ئه‌نجام درا.

درێژه‌ی ڕاپـۆرته‌که‌ی گۆران تۆفیق په‌یامنێری ده‌نگی ئه‌مه‌ریکا له‌ به‌غدا له‌م فایله‌ ده‌نگیـیه‌دایه‌.

XS
SM
MD
LG