Accessibility links

فڕۆکه‌ جه‌نگیـیه‌کانی هاوپه‌یمانان 35 هێرشی ئاسمانیـیان له‌ سوریا و عێراق ئه‌نجامداوه‌

  • VOA News

فڕۆکه‌ جه‌نگیـیه‌کانی هاوپه‌یمانان به‌ ڕێبه‌رایه‌تی ئه‌مه‌ریکا له‌ ماوه‌ی سێ ڕۆژ 35 هێرشی ئاسـمانیـیان کردووه‌ته‌ سه‌ر داعش و گروپه‌ تێرۆرستیـیه‌کانی دیکه‌ له‌ سوریا و عێراق.

فه‌رمانده‌یی ناوه‌ندی له‌شکری ئه‌مه‌ریکا ئه‌مڕۆ هه‌ینی له‌ به‌یانـنامه‌یه‌کدا ڕایگه‌یاند له‌ ڕۆژی چوارشه‌ممه‌وه‌ هه‌تا ئه‌مڕۆ 35 هێرشی ئاسمانی کراون، له‌وانه‌ 19 هێرشیان له‌ دژی داعش و هێرشێـک له‌ دژی گروپی خوراسانی سه‌ر به‌ ئه‌لقاعیده‌ له‌ سوریا و 16 هێرشی دیکه‌ له‌ دژی داعش له‌ عێراق.

هه‌روه‌ها له‌ به‌یانـنامه‌که‌دا هاتووه‌ فڕۆکه‌کانی ئه‌مه‌ریکا ڕۆژی پـێنجشه‌ممه‌ له‌و شوێنه‌ی خوراسانیان داوه‌ له‌ سوریا. له‌وه‌تای له‌ مانگی هه‌شته‌وه‌ هێرشه‌ ئاسمانیـیه‌کان ده‌سـتیانپـێـکردووه‌ ئه‌مه‌ سێـیه‌م جاره‌ گروپی خوراسان بکرێته‌ ئامانجی فڕۆکه‌کان. هه‌تا ئێسـتا زیاتر له‌ 800 هێرشی ئاسمانی له‌ لایه‌ن ئه‌مه‌ریکا و هاوپه‌یمانانی نێوده‌وڵه‌تی کراونه‌‌ته‌ سه‌ر داعش.

XS
SM
MD
LG